Хонь

Хонины ордныхонд сэтгэл зүрхэндээ хадгалж ирсэн нууцхан төлөвлөгөө, төсөл бий юу? Карьерыг чиглүүлдэг Санчир гараг хоёрдугаар сарын 13-нд таны мөн чанарын нэгдүгээр гэрт шилжиж орно. Энэ үед танд төлөвлөгөөнүүдээ дэлхий ертөнцөд хуваалцах хүчтэй хүсэл эрмэлзэл төрнө. Ирэх хоёр жилийн хугацаанд таны гаргасан шинэлэг санаанууд олны анхаарлыг татна. Мөн авьяас чадварыг тань харуулсан томоохон ажлууд эхлэх таатай үе ирж байна. Энэ явцад өөрийн өнгө төрхийг шинэчилж, амьдралынхаа суурийг бэхжүүлээрэй.

Хоёрдугаар сарын 20-нд Санчир гараг таны оюун санааг чиглүүлэгч Далайн ван гарагтай нэгдүгээр гэрт давхцан байрлана. Энэ үед хуучин хэв маягаараа л байх нь танд хангалтгүй санагдаж магадгүй. Та өөрийнхөө хариуцаж буй бүх үүрэг ажлаа эргэн харж, "Би эдгээр зүйлсийг зөвхөн нэр хүндийн төлөө хийж байна уу?" гэж асууж үзээрэй. Зарим үүргээсээ татгалзах нь бусдад туслах орон зайг нээж, улмаар таныг илүү тод гэрэлтэхэд тусална.

Зургаадугаар сарын 29-30-ны хооронд аялал, боловсролыг чиглүүлдэг Бархасбадь гараг аз жаргал, бүтээлч байдлын тавдугаар гэр рүү орох болно. Ингэснээр таны адал явдалд дуртай зан тань сэргэнэ. Ирэх жилийн хугацаанд та өөрийн сонирхсон зүйлээ гүнзгийрүүлэн сурч, шинэ сонирхолтой хүмүүсээр хүрээллээ тэлнэ. Хайр дурлалын хувьд ганц бие хонинууд бусдад маш дур булаам байх бол хостой хүмүүс баяр баясгалан нэмнэ.

Үхэр

Хоёрдугаар сарын 13-наас эхлэн таны боловсрол, үзэл баримтлалыг захирагч Санчир гараг зүүд болон далд ухамсрын 12-р гэрт орно. Энэ нь таны үнэн гэж итгэж ирсэн зүйлсийг бүрмөсөн өөрчилж магадгүй. Энэхүү өөрчлөлт таныг дотоод ертөнц рүү тань хөтлөх ч гэсэн гутранги байдалд автахгүй байхыг хичээгээрэй. Мэдлэг боловсрол танд хэрхэн хүч өгдгийг та дахин мэдрэх болно.

Хоёрдугаар сарын 20-ны орчимд таны зарим хуучин үзэл бодол өөрчлөгдсөн мэт санагдана. Учир нь Санчир болон Далайн ван гараг таны 12-р гэрт давхардан орно. Энэ үед бодит байдлаас зугтахыг бүү оролдоорой. Харин оронд нь өөрийнхөө үнэт зүйлсэд нийцэх шинэ үзэл санааг судалж, хайгаарай. Энэ нь яг л хуучин хувцсаа сольж байгаатай адил процесс. Тэр хувцас өмнө нь танд таардаг байсан ч одоо таны мөн чанарт нийцэхгүй болсон бол өөрчлөхөд буруудах зүйлгүй.

Дөрөвдүгээр сарын 25-нд бусад нөлөөлөх хүчийг нэмэгдүүлэгч Тэнгэрийн ван гараг үнэ цэнэ, өмч хөрөнгийн хоёрдугаар гэр рүү тань орно. Ингэснээр материаллаг зүйлд хандах таны хандлага өөрчлөгдөж эхэлнэ. Хэрэв таны өмнө нь хүрэх гэж зүтгэж байсан зүйлс утгагүй санагдаж эхэлбэл, карьерынхаа идэвхийг хэрхэн авч үлдэх талаар нухацтай бодоорой. Та ур чадвараа ахиулж, мэргэжлийн салбартаа шинэ дүр төрхтэйгөөр гарч ирэхийг хүсэж магадгүй.

Ихэр

Ихрийн ордныхон нийгмийн амьдралд нь өөрчлөлт гарахад бэлдээрэй. Нэгдүгээр сарын 26-наас эхлэн таны карьерыг чиглүүлэгч Далайн ван гараг нөхөрлөл, зорилгын 11-р гэр рүү орно. Энэ үед таны нийгмийн харилцаа холбоо огт өөр болно. Ирэх 13 жилийн хугацаанд та маш олон өөр төрлийн хүмүүстэй холбогдож, цаг зав, энергиэ зарцуулна. Энэ үед өгөх авахыг тэнцвэржүүлэх нь маш чухал. Мөн ажлын хамт олон тань ажил хэргийн болон хувийн харилцааны заагийг бүдгэрүүлэх гэж оролдож магадгүй тул ухаалаг байгаарай.

Хоёрдугаар сарын 20-нд Санчир болон Далайн ван гараг 11-р гэрт давхцах  үед хэн таны жинхэнэ найз вэ гэдэг нь мэдэгдэнэ. Жинхэнэ найз болон зөвхөн ашиг хонжоо харагчид тодорхой ялгарна. Энэ нь таныг эрүүл харилцаанд цаг заваа гарах боломжийг олгоно. Хүрээллээ багасгахыг сул тал гэж бүү бодоорой. Харин ч бодит байдлыг харж чадаж байгаа өөртөө бахархах хэрэгтэй.

Зургаадугаар сарын 29, 30-наас эхлэн таны хайр дурлалыг чиглүүлдэг Бархасбадь гараг харилцаа холбооны гуравдугаар гэр рүү орох болно. Ингэснээр зун гэхэд таны зөөлөн сэтгэл дахин сэргэнэ. Таны төрөлхийн сониуч зан, бүтээлч байдлыг дэмждэг хүмүүстэй цагийг зугаатай өнгөрүүлээрэй. Гэхдээ төлөвлөгөөгөө сайн хянах хэрэгтэй. Учир нь таны амьдралыг сонирхолтой, магадгүй романтик харилцаагаар дүүргэх зүйл хэмжээ ар араасаа гарч ирэх болно.

Мэлхий

Мэлхийн ордныхон бага зэрэг урсгалаараа явахад бэлэн үү? Нэгдүгээр сарын 26-нд таны аз одны гараг болох Далайн ван ажил хэрэг, нэр хүндийн аравдугаар гэр рүү орох үед таны ажил мэргэжил, карьерт тодорхойгүй байдал үүсэж магадгүй. Гэхдээ үүнтэй тэмцэх хэрэггүй, харин урсгалаараа байх нь зөв. Хүлээлтүүдээ орхих нь таны авьяас чадварыг илүү тод гэрэлтэхэд тусална. Та зөв замдаа яваа гэдэгтээ итгэж, бусдыг гайхшируулаарай.

Хоёрдугаар сарын 20 орчимд таны хүсэл тэмүүллийг чиглүүлдэг Санчир гараг Далайн ван гарагтай 10-р гэрт давхцах болно. Энэ үед таны удаан хугацаанд төлөвлөж байсан зүйлс дарамт шахалтаас болоод бүтэлгүйтэж магадгүй. Гэхдээ бүү шантраарай. Энэ нь таны карьерын чиг хандалтыг илүү утга учиртай зүйл рүү чиглүүлэхэд тусална. Сэтгэл хөдлөлөө хянаж чадвал та ямар ч нөхцөл байдлаас сайн талыг нь олж харж чадна.

Зургаадугаар сарын 29, 30-нд өдөр тутмын зуршлыг захирагч Бархасбадь гараг үнэ цэнэ, өмч хөрөнгийн хоёрдугаар гэр рүү орох үед та амьдралдаа илүү тансаг байдлыг хүлээн авахад бэлэн болно. Элбэг дэлбэг байх сэтгэлгээтэй болох нь танд маш сайн зохино. Ирэх 12 сарын хугацаанд өөртөө хөрөнгө оруулалт хийхэд тусална. Энэ нь таны өөртөө итгэх итгэлийг нэмэгдүүлэх ч, нөгөө талаас хэт их мөнгө үрэх хандлагатай болгож магадгүй. Тиймээс төсвөө хянаж, хэтрүүлэхгүй байхыг хичээгээрэй.

Арслан

Арслангийн ордныхон та бүхэн шинэ эхлэлд бэлтгээрэй. Хоёрдугаар сарын 13-наас эхлэн таны эрүүл мэнд, ажил хэргийг чиглүүлдэг Санчир гараг боловсрол, үзэл баримтлалын есдүгээр гэр рүү орно. Энэ нь таныг хуучин хэв маягаасаа салж, ажиллах арга барилаа бүрэн шинэчлэхэд нөлөөлнө. Ирэх хоёр жил зургаан сарын хугацаанд өөрийгөө хөгжүүлэхдээ оюун ухаан болон бие махбодоо сорьсон зүйлсийг туршаарай. Эхэндээ энэ үйл явц удаан мэт санагдах боловч тууштай байж чадвал та эцэст нь ялагч байх болно.

Дөрөвдүгээр сарын 25-наас хүсэл тэмүүллийн Тэнгэрийн ван гараг нөхөрлөлийн 11-р гэр рүү орох болно. Энэ үед та ер бусын, сонирхолтой хүмүүстэй холбогдохыг хүсэж, хүрээллээ шинэ хүмүүсээр тэлнэ. Таны учрах зарим хүн таны дэлхий ертөнцийг харах үзэл бодлыг өөрчлөх чадалтай байна. Мөн та мэдлэгээ тэлж, хүн төрөлхтнийг хайрлах сэтгэлээ гүнзгийрүүлэх яриа өрнүүлэхэд бэлэн байгаарай.

Зургаадугаар сарын 29, 30-нд аз одны Бархасбадь гараг таны нэгдүгээр гэр буюу мөн чанарын орон зайд орно. Энэ үед таны өөдрөг зан улам гэрэлтэх болно. Энэ жилийн жилийн хугацаанд таны эерэг хандлага ямар ч саад бэрхшээлийг давахад тусална. Таны хүмүүсийг соронз мэт татах чадвар таны нэр хүндийг өсгөхөд нөлөөлнө. Гэхдээ хэт их биеэ тоохгүй байхыг хичээгээрэй. Даруу зан таныг амжилтад хөтөлнө.

Охин

Охины ордныхонд аливаад дүн шинжилгээ хийх чадвар нь үргэлж тус болдог. Нэгдүгээр сарын 26-нд хайр дурлалыг захирагч Далайн ван гараг өөрчлөлт шинэчлэлтийн наймдугаар гэр рүү орох үед энэ чадвар танд маш хэрэгтэй болно. Далайн ван гараг нь мэдрэмж болон бодит байдлыг ялгахад хэцүү болгодог. Тиймээс ирэх 13 жилийн хугацаанд сэтгэл санааны болон санхүүгийн байдлаа хамгаалахын тулд хайр дурлалын харилцаандаа ухаалгаар хандах хэрэгтэй.

Хоёрдугаар сарын 20-нд Санчир болон Далайн ван гараг наймдугаар гэрт давхцах үед амьдралд тань гарч буй том өөрчлөлтүүдийг анхаараарай. Өөрт нийцэхгүй болсон зүйлсээс холдож, та шинэ холбоо тогтоохыг хүснэ. Та дотно харилцаанаас айх айдас гэх мэт өөрийг тань хойш татдаг зүйлсээсээ салахад бэлэн болж магадгүй. Энэ үед жинхэнэ харилцааг хэрхэн бий болгох талаар бодоход хамгийн тохиромжтой цаг ирнэ.

Дөрөвдүгээр сарын 25-нд өдөр тутмын зуршлыг захирагч Тэнгэрийн ван гараг ажил хэргийн аравдугаар гэр рүү орно. Энэ үед тодорхойгүй зүйлсийг хүлээн зөвшөөрөх нь таны амжилтад хүрэх замыг хурдасгана. Ирэх найман жилийн хугацаанд таны тэрслүү зан карьертаа шинэ зам гаргаж, авьяас чадвараа харуулахад нөлөөлнө. Илүү бүтээлч байх эрх чөлөөг олгох шинэ ажлын байр, үүрэг хариуцлагыг судалж үзээрэй.

Жинлүүр

Жинлүүрийн ордныхон дотнын хүмүүстэйгээ шинэ хуудас нээхэд бэлтгээрэй. Нэгдүгээр сарын 26-нд таны гэр бүлийн амьдралыг захирагч Санчир гараг харилцаа холбооны долоодугаар гэр рүү орох үед хамтын ажиллагаа маш чухал сэдэв болно. Ирэх хоёр жил зургаан сарын хугацаанд өөрийнхөө сэтгэл зүйн аюулгүй орон зайг (safe space) хамтдаа тохижуулж, сайжруулж аз жаргалыг мэдрээрэй. Шаардлагагүй үл ойлголцлоос зайлсхийхийн тулд өөрийнхөө хүлээлтийг ил тод мэдэгдэх нь чухал.

Хоёрдугаар сарын 20-нд Санчир болон Далайн ван гараг долоодугаар гэрт тань давхацна. Энэ нь таныг хамгийн ойр харилцааг микроскопоор харж байгаа мэт шинжихэд хүргэнэ. Харилцаанд танд хамтын хариуцлагын талаарх яриа гарч ирж, энэ нь зарим зөрчилдсөн байр суурь, буруу таамаглалыг ил гаргана. Хайртай хүмүүстээ өөрсдийн хүсэл сонирхлоо дахин илэрхийлэх боломж олгож, тэнцвэртэй байдал тогтоохыг хичээгээрэй.

Зургаадугаар сарын 29, 30-наас эхлэн таны харилцаа холбоог захирагч Бархасбадь гараг нөхөрлөлийн 11-р гэр рүү орох үед таны нэр хүнд өсөх болно. Энэ жилийн хугацаанд өөрийн дур булаам чанарыг ашиглаж, таныг аливаа зүйлийг шинэ өнцгөөс харж сэтгэхэд хүргэдэг хүмүүстэй санаа бодлоо хуваалцаарай. Энэ боломжийг ашиглан нийгмийн хүрээллээ төдийгүй үзэл бодлоо тэлээрэй.

Хилэнц

Хилэнцийн ордныхон, та бүхний сайн үйлс амьдралыг тань хайраар дүүргэх болно. Нэгдүгээр сарын 26-наас эхлэн Далайн ван гараг эрүүл мэндийн зургаадугаар гэр рүү орно. Энэ үед та тусламж хэрэгтэй хүмүүст цаг заваа зарцуулахыг хүсэж эхэлнэ. Ирэх 13 жилийн хугацаанд бусдад туслах нь таны амьдралд шинэ хүмүүсийг авчрах болно. Гэхдээ бусдад тусалж байхдаа өөрийгөө хайхрахгүй орхиж болохгүй гэдгийг санаарай.

Дөрөвдүгээр сарын 25-наас эхлэн гэнэтийн зүйлсэд бэлэн байгаарай. Таны гэр бүл, орон гэр бүлийг захирагч Тэнгэрийн ван гараг өөрчлөлт шинэчлэлтийн наймдугаар гэрт орж, найман жил дамжин өнгөрнө. Иймд аливаа зүйлд дасан зохицох чадвар болон дотнын хүмүүсийн дэмжлэг маш чухал байх болно. Тодорхойгүй байдалтай тулгарах үед найдвартай зөвлөх эсвэл ментор хайх нь ухаалаг алхам юм.

Зургаадугаар сарын 29, 30-наас эхлэн санхүүг захирагч Бархасбадь гараг ажил хэргийн аравдугаар гэр рүү орно. Та ажил дээрээ олны өмнө гарч, хийж бүтээснээ харуулахад бэлтгэх хэрэгтэй. Ирэх жилийн хугацаанд таны хичээл зүтгэл үнэлэгдэж, илүү өндөр албан тушаалд хүрэх хүсэл төрнө. Өөрийн нэр хүндийг хэрхэн өсгөх талаар төлөвлөснөөр та энэ элбэг дэлбэг үеийг үр дүнтэй ашиглаж чадна.

Нум

Нумын ордныхон та бүхэн жирийн зүйлээс ч ид шидийг олж харж чаддаг. Нэгдүгээр сарын 26-наас эхлэн гэр бүлийн амьдралыг захирагч Далайн ван гараг бүтээлч байдлын тавдугаар гэр рүү орно. Ингэснээр та хайр дурлал, гайхамшгийн ертөнцөд умбах болно. Гэхдээ энэ үед хайр дурлал, хоосон мөрөөдөлд бүрэн автахаас болгоомжлоорой. Өөрийн зөн совингоо дагах болон зүрх сэтгэлээ хамгаалах хоёрын хооронд тэнцвэрийг барих нь ухаалаг явдал болно.

Хоёрдугаар сарын 20-нд санхүүг захирагч Санчир гараг Далайн ван гарагтай тавдугаар гэрт давхцах үед таны зарим хүлээлт бүрмөсөн өөрчлөгдөж магадгүй. Хүрээлэн буй орчноо өөрчлөх эсвэл нүүх төлөвлөгөөнд саад гарч болзошгүй. Энэ нь таны нуугдмал айдсыг гаргаж ирж магадгүй. Асуудлын үндэс рүү нэвтэрч, бүгд зөвшөөрч болохуйц шийдвэрийг гаргахыг хичээгээрэй.

Зун ирэхэд та өөрийнхөө хамгийн дуртай зүйл болох адал явдлыг эрэлхийлэн гарах болно. Зургаадугаар сарын 29, 30-наас таныг чиглүүлэгч Бархасбадь гараг аялал, боловсролын есдүгээр гэрээр дайран өнгөрч эхэлнэ. Энэ нь таныг шинэ туршлага хуримтлуулж, ижил үзэл бодолтой хүмүүстэй холбогдоход түлхэц болно. Өөрийн үзэл бодлыг олон нийттэй хуваалцах талаар бодож үзээрэй. Магадгүй энэ жил та подкаст эхлүүлэх эсвэл ном бичих жил байх болно.

Матар

Матрын ордныхон та бүхэн аливаа өөрчлөлтийн үед гэр бүлийн асуудлаа хэрхэн шийддэг вэ? Нэгдүгээр сарын 26-нд харилцаа холбоог чиглүүлдэг Далайн ван гараг гэр бүл, хувийн амьдралын дөрөвдүгээр гэр рүү орно. Энэ үед таны дасан зохицсон зүйлс тодорхойгүй болж эхэлнэ. Амьдралын тань суурь ганхаж байгаа мэт санагдаж болох ч, ирэх 13 жилийн хугацаа таныг өвөг дээдэстэйгээ холбогдох, сэтгэлийн шархаа анагаах, удам дамжсан муу зуршлыг арилгахад тусална. Энэ өөрчлөлтийн үед тэвчээртэй байхыг хичээгээрэй.

Хоёрдугаар сарын 20-нд таныг чиглүүлэгч Санчир гараг Далайн ван гарагтай дөрөвдүгээр гэрт давхацна. Энэ үед таны мөрөөдөж байсан гэр бүл болон бодит байдал хоёрын хооронд зөрүү байгааг анзаарч магадгүй. Шаардлагатай өөрчлөлтийг хийж, хүссэн аюулгүй орчноо бүрдүүлэх нь зөвхөн танаас хамаарна гэдгийг санаарай. Юуг өөрчлөхийг хүсэж байгаагаа ил тод хэлж, үндэс сууриас нь эхлэн асуудал дээр ажиллахаас бүү ай.

Дөрөвдүгээр сарын 25-наас санхүүг захирагч Тэнгэрийн ван гараг ажил, эрүүл мэндийн зургаадугаар гэр рүү орно. Энэ үед мөнгө зарцуулах болон хадгалах тал дээр хурдан шийдвэр гаргах хэрэгтэй болно. Тогтсон хэв маяг танд давчдам санагдана. Ийм үед нөхцөл байдалдаа тохируулан өөрчлөлт хийх нь илүү үр дүнтэй байх болно. Этгээд болон уламжлалт бус ажил эсвэл төслүүдийг туршиж үзэх нь таныг амжилтад хүргэж магадгүй.

Хумх

Хумхын ордныхон та бүхэн тэнцвэрийг хадгалахыг хичээгээрэй. Нэгдүгээр сарын 26-нд санхүүг захирагч Далайн ван гараг харилцаа холбооны гуравдугаар гэр рүү орно. Энэ үед таны төсөөлөл таныг бодит үүргээс тань холдуулж магадгүй. Гэхдээ өдөр тутмын үүрэг хариуцлагаа орхигдуулахгүй байх нь чухал. Ирэх 13 жилийн хугацаанд чухал зүйлсээ анхаарч чадвал та өөрийн хүртэх ёстой зүйлээ авч чадна.

Хоёрдугаар сарын 20-нд таны оюун ухааныг чиглүүлдэг Санчир гараг Далайн ван гарагтай гуравдугаар гэрт давхцах үед үл ойлголцол гарч болзошгүй. Энэ нь таныг бусадтай хэт илэн далангүй, шударгаар харилцахад хүргэж магадгүй. Аливаа асуудалд орохоосоо өмнө нэг алхам ухарч, нөхцөл байдлыг хөндлөнгөөс харахыг хичээгээрэй. Танд хэрэггүй болсон хуучин түүхээс салах цаг болсон байж магадгүй.

Дөрөвдүгээр сарын 25-наас таныг чиглүүлдэг Тэнгэрийн ван гараг хайр дурлалын тавдугаар гэр рүү орох үед өөрийнхөө хүлээлтээ орхиход бэлэн байгаарай. Таны өвөрмөц зан чанар ирэх найман жилийн хугацаанд амьдралд шинэ сонирхолтой хүмүүсийг татах болно. Хэрэв та ганц бие бол гэнэтийн романтик харилцаанд орж, өөртөө босгосон хаалт, хязгаарлалтуудаасаа салахад хүрч магадгүй.

Загас

Загасны ордныхон та бүхэн одоо цагтаа амьдрах дуртай. Гэвч нэгдүгээр сарын 26-наас таныг чиглүүлдэг Далайн ван гараг санхүүгийн хоёрдугаар гэрээр дамжиж эхэлнэ. Энэ нь санхүүгийн нөхцөл байдалд бага зэрэг тодорхойгүй байдал үүсгэж магадгүй. Ийм үед мөнгө танд бодит зүйл биш мэт санагдах магадлалтай. Ийм учир та өмнө нь хийдэггүй байсан үрэлгэн худалдан авалт эсвэл эрсдэлтэй хөрөнгө оруулалт хийж магадгүй. Өөрийгөө хамгаалахын тулд аливаад хянуур, ухаалгаар хандахыг хичээгээрэй.

Хэрэв та санхүүгийн алдаа гаргасан бол хоёрдугаар сарын 20-нд Санчир болон Далайн ван гараг хоёрдугаар гэрт давхцах үед засаж залруулах боломж гарна. Энэ давхцал нь санхүүгээ удирдах арга барилаа өөрчлөхөд түлхэц өгдөг. Энэ боломжийг ашиглан урт хугацааны зорилгоо бодож, түүндээ хүрэх жижиг алхмуудыг өдөр бүр хийж эхлээрэй.

Зургаадугаар сарын 29, 30-нд карьерыг захирагч Бархасбадь гараг ажил, эрүүл мэндийн зургаадугаар гэр рүү орох үед бүх зүйл эрчээ авах болно. Таны ажил хөнгөн шингэн, бүтэмжтэй байхын зэрэгцээ таны хийж буй бүхэн бусдад маш зугаатай харагдаж, таныг үнэлэх болно. Ингэснээр мэргэжлийн шинэ боломжууд гарч ирнэ. Өөртөө хамгийн сайн тохирох зүйлийг олох хүртлээ төлөвлөгөөгөө нууцлах нь дээр.