МАХН-ын дарга Н.Энхбаяр өөрийгөө хэлмэгдсэн хэмээн үзэж, Зайсангийн дамжин өнгөрүүлэх хорих ангид өлсгөлөн зарлаад байгаа. Тиймээс өнөөдөр МАХН-ын Хяналт, ёс зүйн хорооны дарга Г.Давааням, гишүүн Ц.Цэцгээ, Б.Дагвийхорлоо, Ч.Ёндон нар Н.Энхбаярын биеийн байдлын талаар мэдээлэл хийв. Хяналт, ёс зүйн хорооны дарга Г.Давааням “12 сарын 21-нд дэлхий сөнөнө гэсэн цуурхал тарж, нийслэлийн иргэд хотоос гарч, айдас түгшүүртэй байсаныг далимдуулан Н.Энхбаярыг 401 дүгээр хорих анги руу хүч хэрэглэн авч явсан нь улс төрийн зохион байгуулалттай хэлмэгдүүлэлт гэдэг нь бүр ч тодорхой болсон. Анхнаасаа зохион байгуулалттайгаар Н.Энхбаярыг хэлмэгдүүлж, магадгүй хордуулсан ч байх магадлалтай гэдэг таамгийг анх сөхөж тавьсан. Тэр өдрийн баривчилгааг далимдуулан буудан хороох ч байсаныг үгүйсгэхгүй. Болсон үйл явдал ийм дүгнэлтэнд хүргэдэг. Энэ үйл явцыг Улсын дээд шүүхийн Ерөнхий шүүгч Ц.Зоригт үргэлжлүүлэн хараат бус шийдвэр гаргаж, дээд шүүхийн бүх гишүүдийн хурлаар хоёр хилс хэргийг хүчингүй болгоно гэдэгт итгэлтэй байна. Улсын дээд шүүхэд монгол улсын хууль шүүхийн мэргэд цугларч үнэн зөвийг дэнслэн шударга мэргэн шийдвэр гаргадаг оюуны цөм гэж ард түмэн ойлгодог” гэлээ.
Мөн “Н.Энхбаяр дарга өлсгөлөн зарлах бүх бэлтгэлээ хийсэн байгаа. 401 дүгээр хорих ангийн эмч нараар эмчилгээ хийлгэхгүй байгаа. Өөрөө бол энэ хэлмэгдүүлэлт, шударга бус бүхнийг таслан зогсоохын тулд амиа золиослоход ч бэлэн байна гээд байгаа. Гэсэн ч түүний эрүүл мэнд дээсэн дөрөөн дээр байгаа энэ үед өлсгөлөн зарлахгүй байхыг иргэд, ахмадууд, намын гишүүд захиж байна. Хэрэв Н.Энхбаяр дарга дахин өлсгөлөн зарлавал амь нас нь эрсдэх аюултай байна шүү дээ” гэсэн юм.
Б.Чимэг
Сэтгэгдэл (15)