Хууль зүйн сайд Х.Тэмүүжинг заналхийлсэн захидал дахин ирсэн байна. Өмнө нь түүнийг заналхийлсэн захидал ирсэн ч эзэн холбогдогчийг нь олж илрүүлсэн. Ингэхдээ Баянзүрх дүүргийн Жамц гэж гэсэн хаягтай захидал ирж байсан ч ШШГЕГ-ын дарга асан М.Ганхүүгийн эхнэр бичсэн гэдгийг цагдаагийн тогтоосон билээ.

Тэгвэл саяхан Х.Тэмүүжинд заналхийлсэн үгтэй захидал олджээ. Тэр захидлыг Х.Тэмүүжин сайд твиттер хуудастаа тавьжээ. Уг захидалд, “Тэмүүжин муу пизда минь чамайг чиний үр хүүхдийн амьдралыг там болгоно оо чи хараарай, чамаас заавал цусан өшөө авна, чи хараарай дэлхий дээр хэрэглэгддэг хамгийн орчин үеийн хороор хордуулж ална, танай хурц далжигнаж байгаад өөрөө үхнэ, чи бидний болон бидний үр хүүхдийн амьдралаар тоглодог хэн бэ, чи муу хамар нь битүү газрын бэтэг юу вэ, бид тангараг өргөсөн заавал чамайг хорлоно, чи юу юу гэнэ вэ, муу гөлөг чи басах хэрэггүй чам шиг муу сагсуу тэнэгийг анх байсан төв аймагт гуйлгачин байсан амьдралд чинь оруулна, танай гэрийнхэнд нөхдүүд чинь туслахыг харна аа бөө мөө хараал энэ тэр гэж заваарахгүй, Зориг, Зэнээ, Энхсайхан, Дашбалбар чи санаж ав, чи хэнд ч хандаад хэрэггүй чи огторгуйд амьдрахгүй шүү” гэжээ. Энэхүү захидлын дор Х.Тэмүүжин сайд, "Миний уншиж амжаагүй, намайг сүрдүүлсэн анхны захидал. Өнөөдөр л олж уншлаа. Тагнуулыхан шалгалгүй хадгалсан бололтой" гэж бичсэн байв.

  Тус захидлыг 2012.09.14-нд ордны бичиг хэргийн хаалган доогуур хийгдсэн байсан аж.