Налайх дүүргийн “Хаан банк”-ны салбарт хоёр иргэнийг буудаж гэмтээн, нэг хүний амь насыг хөнөөсөн А.Бат-Ялалтын гомдлыг өнөөдөр Нийслэлийн шүүхэд хэлэлцэж, түүнд оноосон цаазын ялыг дахин хэлэлцэх нь зүйтэй хэмээн анхан шатны шүүх рүү буцаалаа. Түүнийг Эрүүгийн хуулийн тусгай ангийн 91.2.7, 91.2.10,91.2.12, 91.2.13,91.2.16, 91.2.17, 112.2.5, 112.2.6-д заасан найман зүйл ангиар буруутган, Налайх дүүргийн шүүхээс өнгөрсөн сарын 21-нд цаазын ял оноосон юм.Хэргийг сануулбал, тэрээр өнгөрсөн нэгдүгээр сард Налайх дахь “Хаан” банкинд халдаж, захирал Н.Туяагаас мөнгө, нэхэн буу тулгаж сүрдүүлсэн юм. Энэ үеэр Н.Туяагийн нөхөр орж ирэх үед тэрээр нөхрийг нь буудаж, мөн банкинд үйлчлүүлж байсан нэг иргэнийг гэмтээсэн. Мөн гарч яваад таксины жолоочид буу тулгаж сүрдүүлсэн хэрэг үйлдсэн билээ.
Б.Чимэг
Сэтгэгдэл (3)