Энэ сарын 10-нд буюу өнгөрсөн пүрэв гаригийн 23.00 цагт Баянзүрх дүүргийн шүүхээс “Анод” банкны удирдлагуудад хорих ял оноов. Уг хэргийн ээдрээг одоо хэр олон нийт мэддэггүй. Тиймээс чухам ямар хэргээр, яаж буруутгаад хэн хэнд ял оноосон талаар нэхэн сурвалжиллаа.
    Энэ сарын 10-нд буюу өнгөрсөн пүрэв гаригийн 23.00 цагт Баянзүрх дүүргийн шүүхээс “Анод” банкны удирдлагуудад хорих ял оноов. Уг хэргийн ээдрээг одоо хэр олон нийт мэддэггүй. Тиймээс чухам ямар хэргээр, яаж буруутгаад хэн хэнд ял оноосон талаар нэхэн сурвалжиллаа.
    Нийслэлийн прокуророын газраас Эрүүгийн хуулийн тусгай ангийн 156 дугаар зүйлийн 156.3, мөн хуулийн 150 дугаар зүйлийн 150.3 дахь хэсгүүдэд зааснаар яллах дүгнэлт үйлдэж ирүүлсэн Э.Гүр-Аранз, Д.Энхтөр, Н.Даваа, Л.Уламбаяр,
    Эрүүгийн хуулийн тусгай ангийн 156 дугаар зүйлийн 156.3 дахь хэсэгт зааснаар яллах дүгнэлт үйлдсэн ирүүлсэн Э.Оюунсүрэн, Г.Сүхээ, Э.Цэрэндаш, Д.Ганзориг, Ж.Гантулга, Ч.Болдбаатар, Д.Болд, А.Энхболд, Д.Доржготов, П.Балдорж, Ч.Өлзийбаяр нарт холбогдох эрүүгийн хэргийг Баянзүрх дүүргийн шүүхэд хэлэлцэж, хянан шийдвэрлэсэн билээ.
Шүүгдэгч Э.Гүр-Аранз Н.Даваа, Д.Энхтөр, Л.Уламбаяр нар урьдчилж үгсэн тохиролцож бүлэглэн  удаа дараа банкны үйл ажиллагааг хууль бусаар явуулж, шунахай буюу хувийн ашиг сонирхлын үүднээс банкны болон мөнгөн хадгаламж, төлбөр тооцоо, банкны зээлийн үйл ажиллагааны тухай хууль тогтоомж зөрчсөн үйлдлүүдээр бусдад нийтдээ 122 тэрбум  төгрөгний буюу онц их хэмжээний хохирол учруулсан

    Мөн Э.Гүр-Аранз,  Н.Даваа  нар нь  Л.Уламбаяртай бүлэглэж, 2008 оны УИХ-ийн сонгуульд нэр дэвших явцдаа  нэр дэвшсэн зардлыг санхүүжүүлэх зорилгоор “Анод” банкнаас нийт нэг тэрбум  төгрөгийг  завшиж, үрэгдүүлэн онц их хэмжээний хохирол учруулсан,

    Д.Энхтөр нь дангаараа Өөрийн үүсгэн байгуулсан “Интерпэй” ХХК-ий түрээсийн төлбөрт 2008 оны 9 дүгээр сарын 1-ний өдөр 15000 америк доллар буюу 17 сая  төгрөгийг төлүүлж, онц их хэмжээний эд хөрөнгийг завшсан хэрэгт,

    Шүүгдэгч Э.Оюунсүрэн, Г.Сүхээ, Э.Цэрэндаш, Д.Ганзориг, Ж.Гантулга, Ч.Болдбаатар, Д.БОлд, А.Энхболд, Д.Доржготов, П.Балдорж, Ч.Өлзийбаяр нар нь Банкны тухай хуулийн 16 дугаар зүйлд заасан Банкны үйл ажиллагаанд хийх хязгаарлалтуудыг зөрчин эд хөрөнгө барьцаалах нэрийдлээр зээл авч, банкны үйл ажиллагааг хууль бусаар явуулахад хамтран оролцож, “Анод” банкинд онц их хэмжээний хохирол учруулсан  хэрэгт тус тус холбогдсон байна.

    Анхан шатны шүүхээс шүүгдэгч нарын холбогдсон хэргийн зарим үйлдлүүдийг хэрэгсэхгүй болгож, зарим үйлдэлд гэм буруутайд тооцож ял шийтгэсэн байна.

    Шүүгдэгч Э.Гүр-Аранзад  Эрүүгийн хуулийн тусгай ангийн  150.3, 156.3 дахь хэсэгт зааснаар нийт хоёр сая төгрөгний эд хөрөнгө хурааж, найман жил хорих ял оногдуулснаас
2009 оны Өршөөл үзүүлэх тухай хуулийн 5.1.1 дэхь хэсэгт зааснаар түүнд оногдуулсан 8 жилийн хорих ялаас 3 жилийг өршөөн хасч биечлэн эдлэх ялыг таван жилээр,

    Шүүгдэгч Н.Даваад Эрүүгийн хуулийн тусгай ангийн  150.3, 156.3 дахь хэсэгт зааснаар нийт хоёр сая төгрөгний эд хөрөнгө хурааж, зургаан жил хорих ял оногдуулснаас
2009 оны Өршөөл үзүүлэх тухай хуулийн 5.1.1 дэхь хэсэгт зааснаар түүнд оногдуулсан зургаан жилийн хорих ялаас гурван жилийг өршөөн хасч биечлэн эдлэх ялыг гурван жилээр,

     Шүүгдэгч Д.Энхтөрд Эрүүгийн хуулийн тусгай ангийн 156.3 дахь хэсэгт зааснаар нэг сая төгрөгний эд хөрөнгө хурааж, найман жил хорих ял оногдуулснаас
Өршөөл үзүүлэх тухай 2009 оны хуулийн 5.1.1 дэхь хэсэгт зааснаар түүнд оногдуулсан найман жилийн хорих ялаас гурван жилийг өршөөн хасч биечлэн эдлэх ялыг таван жилээр

    Шүүгдэгч Л.Уламбаярт Эрүүгийн хуулийн тусгай ангийн 150.3 156.3 дахь хэсэгт зааснаар нийт хоёр сая төгрөгний эд хөрөнгө хурааж, зургаан жил хорих ял оногдуулснаас
Өршөөл үзүүлэх тухай 2009 оны хуулийн 5.1.1 дэхь хэсэгт зааснаар түүнд оногдуулсан зургаан жилийн хорих ялаас гурван жилийг өршөөн хасч биечлэн эдлэх ялыг гурван жилээр тогтоосон байна.

    Мөн шүүгдэгч Э.Оюунсүрэн, Ж.Гантулга нарыг Банкны тухай хуулийн 16 дугаар зүйлд заасан Банкны үйл ажиллагаанд хийх хязгаарлалтуудыг зөрчин эд хөрөнгө барьцаалах нэрийдлээр зээл авч, банкны үйл ажиллагааг хууль бусаар явуулахад хамтран оролцож, Анод банкинд онц их хэмжээний хохирол учруулсан  хэрэгт гэм буруутайд тус тус тооцож,

    Э.Оюунсүрэнд ЭХ Ерөнхий ангийн 35.6-д заасныг журамлан ЭХТА 156,3 дахь хэсэгт зааснаар  нэг сая төгрөгний эд хөрөнг хурааж зургаан жил хорих ял оногдуулснаас
Өршөөл үзүүлэх тухай хуулийн 4.1.2 заасны дагуу түүнд оногдуулсан үндсэн болон нэмэгдэл ялийг бүхэлд нь өршөөн хэлтрүүлсэн.

    Шүүгдэгч Ж.Гантулгад Эрүүгийн хуулийн ерөнхий ангийн 35,6-д заасныг журамлан Эрүүгийн хуулийн тусгай ангийн 156.3 дахь хэсэгт зааснаар нэг сая төгрөгний эд хөрөнгө хурааж,  5 жил 1 сар хорих ял оногдуулснаас
Өршөөл үзүүлэх тухай 2009 оны хуулийн 5.1.1 дэхь хэсэгт зааснаар түүнд оногдуулсан 5 жил 1 сарын хорих ялаас 3 жилийг хасч биечлэн эдлэх ялыг 2 жил 1 сараар тогтоосон байна.

    Г.Сүхээ, Э.Цэрэндаш, Д.Ганзориг, Ж.Гантулга, Ч.Болдбаатар, Д.БОлд, А.Энхболд, Д.Доржготов, П.Балдорж, Ч.Өлзийбаяр нарт холбогдох хэргийг гэмт хэргийн бүрэлдэхүүнгүй гэсэн үндэслэлээр хэрэгсэхгүй болгож цагаатгасан байна.

    Мөн уг хэрэгт СЗХ-ны дарга Д.Баярсайхан холбогдсон байсан ч түүний хэргийг өнгөрсөн есдүгээр сард хэрэгсэхгүй болгосон байдаг билээ.