Бүтэн нэг жил 6 сарын хугацаанд бүтээсэн “Ану хатан” түүхэн уран сайхны кино маргааш 13:00 цагт "Өргөө" кино театрт 17:00 цагт "Тэнгис"-т нээлтээ хийх гэж байгаа билээ. Энэ нь киноны зохиолч, продюсер Б.Шүүдэрцэцэгийн төрсөн өдөртэй давхцаж байгаа юм. Киноны уран бүтээлчид өнөөдөр киноныхоо талаар хэвлэлийн хурал хийлээ.
“Цаг хугацаа улиравч
Цадиг түүх мөнх” гэсэн уриатай түүхэн уран сайхны "Ану хатан" кино нь 1989 онд нээлтээ хийсэн "Мандухай цэцэн хатан" киноны дараа бүтээж буй домогт хатадын тухай өгүүлсөн хоёрдахь уран бүтээл гэдгээрээ ихээхэн онцлогтой.
Киноны нээлт 12 сарын 5-нд нээгдэхээр товлогдож байсан ч эвлүүлэг, графикийн ажил нь амжаагүй тул хойшлогдсон. Энэ үеэр Холливүүдийн алдарт найруулагч Стивен Спилтбергийн дүү продюсер Нэнси Спильберг ирэхээр төлөвлөж байсан боловч нээлт хойшилсноос амжихаа больж бие төлөөлөгч нь ирэхээр болжээ.
Гэхдээ маргааш киноны нээлтэд Холливүүд, Тайван, Хятадын кино салбарын нөлөө бүхий хүмүүс мөн АНУ, Япон, БНХАУ, БНСУ, ХБНГУ-ын элчин сайдууд оролцох гэнэ.
Зохиолч Б.Шүүдэрцэцэгийн “Домогт Ану хатан” романаас сэдэвлэж “Шүүдэр” продакшнд бүтээсэн “Ану хатан” кино нь 2 цаг 45 минут үргэлжлэх хугацаатай. Мэргэжлийн C-300 камер ашиглан агаараас, усан доогуур зураг авсан, Бээжингээс зориулалтын сахал, хиймэл үс, үрчлээ авчирч ашиглажээ. Мөн Зуун модны их тулалдааныг ой, ус, их талын гэж 3 хувааж найруулсан нь монголын кино урлагт ахиц дэвшил авчирсан үзэгдэл боллоо гэж мэргэжилтнүүд үзэж байгаа юм.
“Voice” хамтлагийн дуучин Д.Отгонжаргал “Ану хатан”-ы дүрд тоглосон бол Галданбошигт хаанд дуучин, жүжигчин М.Мягмар тогложээ. Дуучин Д.Отгонжаргал тус кинонд орлон тоглогчгүйгээр морин дээрээс нум сумаар харвах, газраас сум шүүрэх гэх мэтээр хүнд кадруудыг авахуулсан байна.
Мөн “Ану хатан” кино нь түүхэн кино учраас бусад киноноос 20
дахин илүү зардалаар бүтсэн гэж ерөнхий продюсер Д.Болдхуяг хэлж байсан
юм.
Тасалбарын үнэ том хүн 8000 төгрөг, хүүхэд 4000, “Өргөө”-ийн VIP танхимд том 15.000 төгрөгөөр үзэх юм байна. “Ану хатан” киноны ерөнхий найруулагчаар СТА Т.Алтантуяа, ерөнхий продюсерээр Д.Болдхуяг, зөвлөх найруулагчаар АЖ, УГЗ Г.Жигжидсүрэн, ерөнхий зураглаачаар СТА Д.Ангараг, ерөнхий зураачаар СТА Ж.Цог хөгжмийн зохиолчоор С.Сансаргэрэлтэх нар ажиллажээ.
24tsag.mn киноны гол уран бүтээлчдийн ярилцлагыг хүргэх болно.
“Цаг хугацаа улиравч
Цадиг түүх мөнх” гэсэн уриатай түүхэн уран сайхны "Ану хатан" кино нь 1989 онд нээлтээ хийсэн "Мандухай цэцэн хатан" киноны дараа бүтээж буй домогт хатадын тухай өгүүлсөн хоёрдахь уран бүтээл гэдгээрээ ихээхэн онцлогтой.
Киноны нээлт 12 сарын 5-нд нээгдэхээр товлогдож байсан ч эвлүүлэг, графикийн ажил нь амжаагүй тул хойшлогдсон. Энэ үеэр Холливүүдийн алдарт найруулагч Стивен Спилтбергийн дүү продюсер Нэнси Спильберг ирэхээр төлөвлөж байсан боловч нээлт хойшилсноос амжихаа больж бие төлөөлөгч нь ирэхээр болжээ.
Гэхдээ маргааш киноны нээлтэд Холливүүд, Тайван, Хятадын кино салбарын нөлөө бүхий хүмүүс мөн АНУ, Япон, БНХАУ, БНСУ, ХБНГУ-ын элчин сайдууд оролцох гэнэ.
Зохиолч Б.Шүүдэрцэцэгийн “Домогт Ану хатан” романаас сэдэвлэж “Шүүдэр” продакшнд бүтээсэн “Ану хатан” кино нь 2 цаг 45 минут үргэлжлэх хугацаатай. Мэргэжлийн C-300 камер ашиглан агаараас, усан доогуур зураг авсан, Бээжингээс зориулалтын сахал, хиймэл үс, үрчлээ авчирч ашиглажээ. Мөн Зуун модны их тулалдааныг ой, ус, их талын гэж 3 хувааж найруулсан нь монголын кино урлагт ахиц дэвшил авчирсан үзэгдэл боллоо гэж мэргэжилтнүүд үзэж байгаа юм.
“Voice” хамтлагийн дуучин Д.Отгонжаргал “Ану хатан”-ы дүрд тоглосон бол Галданбошигт хаанд дуучин, жүжигчин М.Мягмар тогложээ. Дуучин Д.Отгонжаргал тус кинонд орлон тоглогчгүйгээр морин дээрээс нум сумаар харвах, газраас сум шүүрэх гэх мэтээр хүнд кадруудыг авахуулсан байна.
Тасалбарын үнэ том хүн 8000 төгрөг, хүүхэд 4000, “Өргөө”-ийн VIP танхимд том 15.000 төгрөгөөр үзэх юм байна. “Ану хатан” киноны ерөнхий найруулагчаар СТА Т.Алтантуяа, ерөнхий продюсерээр Д.Болдхуяг, зөвлөх найруулагчаар АЖ, УГЗ Г.Жигжидсүрэн, ерөнхий зураглаачаар СТА Д.Ангараг, ерөнхий зураачаар СТА Ж.Цог хөгжмийн зохиолчоор С.Сансаргэрэлтэх нар ажиллажээ.
24tsag.mn киноны гол уран бүтээлчдийн ярилцлагыг хүргэх болно.
Т.Хулан
Сэтгэгдэл (5)