МАН-ын бүлгийн дэд дарга С.Бямбацогт, УИХ-ын гишүүн Я.Содбаатар нар өнөөдөр төрийн албан хаагчдыг олноор нь халж байгаа талаар сэтгүүлчдэд мэдээлэл өглөө. Шинэчлэлийн Засгийн газар төрийн албан хаагчдыг хууль бусаар халсан асуудал байхгүй гэж байгаа ч Ерөнхий сайд Н.Алтанхуяг МАН-ын гишүүдийн энэ талаар тавьсан санал асуулгад хариу өгөхгүй байгаа аж. Мөн энэ жилийн төрийн албаны цалингийн зардал 210 тэрбум төгрөгөөр нэмэгдсэн. Энэ нь нийт 33 мянган төрийн албан хаагчийн жилийн цалинтай тэнцэх мөнгө. Мөн  бараа үйлчилгээний зардал гэж 200 тэрбум, нийтдээ 410 тэрбум төгрөгөөр нэмэгдсэн гэлээ. Зарим ажлаасаа халагдсан иргэд Засгийн газрыг захиргааны хэргийн шүүхэд өгсөн байна. Төрийн албан хаагчдын холбооны зүгээс Үндсэн хуулийн цэцэд хандаад хоёр сар болж байгаа ч ямар нэг хариу өгөөгүй аж.
 
УИХ-ын гишүүн С.Бямбацогт:
 - Яамдууд нэмэдсэн ч агентлагийн тоо буурсан гэх мэдээлэл нь худлаа. Бид 9 дүгээр сарын 18-ны өдөр олон хүнийг төрийн албанаас хууль бусаар халж байна, үүнийхээ оронд хэнийг, яаж томилоод байгаа талаар асуулга тавьсан. Гэтэл 40 гаруй хоногийн дараа хариу ирэхдээ хугацаа бага байлаа гээд дутуу хариу өгсөн. Яг хэдэн төрийн албан хааг халагдаад байгаа талаар тоо баримт авахыг хүссэн энэ мэдээлэл одоо хүртэл ирээгүй байна. Аргаа бараад УИХ-ын даргад хандаж, асуулгын хариуг өг гэсэн шаардлага Ерөнхий сайдад тавихыг хүссэн ч таг чиг байна. Засгийн газар болохоор хоморголон халаагүй гэдэг, бид болохоор хуулт зөрчсөн гэж үзээд байдаг. Аль нь үнэн, аль нь худал нь мэдэгдэхгүй дөрвөн сар боллоо. Бид Засгийн газар хууль зөрчсан учраас хариулт өгөхөөс цааргалж байна гэж ойлгож байгаа. 1996 онд 10 мянган хүн төрийн албанаас хоморголон халагдсан, 2000 онд бас давтагдсан. Үүнээс хойш 2004, 2008 онд намын харьяалалаар хэлмэгдүүлж халдаг явдал зогссон байдаг. Сайханбилэг сайд 2004 онд Мэдээлэл техонлогийн газрын даргаар ажиллаж байсан. Дараа нь мөн л АН-ын угшлтай А.Мөнхбат ажиллаж байсан. Тэднийг ийм байдлаар халж байгаагүй.

УИХ-ын гишүүн Я.Содбаатар:
 - Орон нутгийн сонгууль болсноос хойш маш олон түр орлон гүйцэтгэгч томилсон. Түр орлон гүйцэтгэгчийг ямар тохиолдолд тавьдаг вэ гэхээр төрийн жинхэнэ албан хаагч нь эзгүй тохиолдолд томилдог. Гэтэл Засгийн газар энэ хуулинлд өөрчлөлт оруулж түр орлон гүйцэтгэгчдийг томилсон. 2003 онд баталсан журмын дагуу төрийн албан хаагчдыг сонгон шалгаруулахдаа шалгалт авдаг. Гэтэл энэ журамд Үндсэн хууль, Төрийн албаны хуулийг зөрчсөн түр орлон гүйцэтгэгч гэдэг заат оруулчихаад байгаа. Үүнийг Үндсэн хуулийн цэцэд өгсөн нь хэргийг хэлэлцэхгүй 30 хоногийн хугацаа нь хэтэрчихлээ. Цэц нь хүртэл маргаан үүснэ гээд асуудлыг хэлэлцэхгүй байгаа юм. 16 хүнийг төрийн нарийн бичгийн даргаар томилсноос нэг нь л яамдаа газрын дарга хийж байсан. Арав нь улс төрийн нам, хувийн хэвшилд ажиллаж байсан хүмүүс. Засгийн газар хуулийг гууль болгох, өнөөдрййн хүчин төгөлдөр хуулийг өөрийн үзэмжээр тайлбарлах нь газар авлаа. Ерөнхий сайдаас эхлээд хуулиа юман чинээ боддоггүй байвал яаж дараа нь энгийн иргэнээм хууль билүүлэхийг хүсэх юм бэ? Ер нь бүх шатандаа хуулийг биүлүүлдэг болсон тохиолдолд ардчилал хэрэгжинэ гэв.