Хүн төрөлхтөн амьдран буй орчноо маш сайн судалсан. Түүний тулд шинжлэх
ухаан гээчийг бий болгож, өнөөдөр амьдрал үүнээс тусдаа оршихооргүй
болжээ. Гэлээ ч хорвоо дэлхий уужим болохоор харсан, үзсэн, сонссон,
дуулсан болгоныг шинжлэх ухаанаар тайлбарлаж, энгийн ухаанаар ойлгоход
бэрх. Заримдаа тийм зүйлийг нөхөж, хүний сэтгэлийг тайтгаруулахын тулд
шашин, бурхан гарч ирсэн гэх нь ч бий. Тэгвэл одоо шинжлэх ухаанаар
тайлбарлаж, бидэнд ойлгуулж чаддаггүй 10 зүйлтэй танилцъя.Хүн төрөлхтөн амьдран буй орчноо маш сайн судалсан. Түүний тулд шинжлэх ухаан гээчийг бий болгож, өнөөдөр амьдрал үүнээс тусдаа оршихооргүй болжээ. Гэлээ ч хорвоо дэлхий уужим болохоор харсан, үзсэн, сонссон, дуулсан болгоныг шинжлэх ухаанаар тайлбарлаж, энгийн ухаанаар ойлгоход бэрх. Заримдаа тийм зүйлийг нөхөж, хүний сэтгэлийг тайтгаруулахын тулд шашин, бурхан гарч ирсэн гэх нь ч бий. Тэгвэл одоо шинжлэх ухаанаар тайлбарлаж, бидэнд ойлгуулж чаддаггүй 10 зүйлтэй танилцъя.
10. СЭТГЭЛ САНАА БА БИЕИЙН ХАРИЛЦАА 
Анагаах ухаан хүний уураг тархи, бусад эд эрхтэнтэй хэрхэн харьцаж байдгийг 100 хувь биш ч гэлээ ихэнх хувийг нь тайлбарлаж, нотолж чадсан. Харин нэг зүйлийн учрыг огт олдоггүй аж. Энэ нь сэтгэл санааны эмчилгээ. Хүмүүс өөрийнхөө өвчинд огт нөлөөлөхгүй эм уугаад "Энэ эм миний өвчинг анагаана" гэдэгт итгэхэд тэр нь өвчнийг анагаадаг байна. Энэ мэт манай монголчуудын "Сэжгээр өвдөж сүжгээр эдгэнэ" гэдэг шиг зүйлийн учрыг анагаах ухаан одоо болтол тайлж чадаагүй байна.
9. ДАЛДЫГ ХАРАХ
Телевизийн нэвтрүүлгүүдээр гарч буй "Зөн билгийн тулаан" нэвтрүүлгийг та андахгүй байх. Тус нэвтрүүлэгт оролцогчид далдыг яаж хараад байгааг хүмүүс ойлгодоггүй. Зөн билэгчдийн хүч чадал, далдыг харах чадварыг мөн л шинжлэх ухаан тайлж чаддаггүй байна.
8. ҮХЛИЙН ДАРААХ АМЬДРАЛ
Та хэр шүтлэгтэй вэ. Шүтлэгтэй хүмүүс ихэвчлэн хойд насанд итгэдэг шүү дээ. Гэнэтийн осол, золгүй байдлаар түр зуур үхээд сэрсэн хүмүүс манай дэлхий дээр цөөнгүй байдаг. Тэд нэг л зүйлийг ярьдаг байна. "Гэрэлт цагаан хоолой, эсвэл тас харанхуй ангал руу унаж байна" гээд л. Шашинд бол үүнийг там эсвэл диваажин гэж нэрлэдэг. Үнэхээр там, диваажин байдаг эсэхийг шинжлэх ухаан бас л тайлбарлаж чадаагүй байна.
7. "UFO" БУЮУ НИСДЭГ ТАВАГ
Нисдэг тавагны тухай олон кино бий. Нисдэг таваг харсан, сууж үзсэн, тэр байтугай өөр гаригт зочилсон гэж ярих хүмүүс ч байдаг. Шинжлэх ухаан үүний учрыг олж, үнэн зөв тайлбарлаж чадаагүй л байна. Хамгийн гол нь хүмүүс ор үндэсгүй юмыг байнга ярьдаггүй. Үнэхээр тэр нисдэг таваг байсан уу, эвэл үгүй юу. Хэн мэдэх билээ.
6. ДАХИН ДАВТАГДАХ БУЮУ “ДЕЖАВҮ”
"Дежавү" буюу өмнө харагдаж, болж байсан зүйл давтагдахыг францаар ингэж хэлдэг. Танд өмнө хийсэн зүйлээ давтсан ч юм шиг эсвэл ямар нэг байдлаар давтагдаж байгаа, зүүдэлж байсан мэт санагдах үе байдаг уу. Энэ зүйл хүн бүрт тохиолддог ч тоолгүй өнгөрөөх нь элбэг. Гэхдээ энэ чухам бодит уу, төсөөлөл үү гэдгийн учрыг олж чадаагүй л байна.
5. СҮНС БА ХИЙ ҮЗЭГДЭЛ
Энэ тухай баримтат кино, нотолгоо хүн төрөлхтний түүхэнд байнга л байдаг. Таны найз нөхөд өөрт таарсан, хий юм харснаа ам булаалдан ярьдаг шүү дээ. Гэвч одоо хүртэл шинжлэх ухаан ямар нэг сүнс, хий үзэгдэлтэй холбоо тогтоож чадаагүй байна.
4. ОР СУРАГГҮЙ АЛГА БОЛОХ ҮЗЭГДЭЛ
Хүмүүс олон тохиолдлоор алга болдог. Хэн нэгний гарт өртөх, газар доор орох, оргон зайлах, золгүй байдлаар нуур цөөрөм рүү унах гэх мэт. Харин огт ул мөр үлдээлгүй сураггүй болсон хүмүүс байдаг. Тухайлбал, "Ариун Мария"-гийн бүх багийн гишүүдээс эхлээд Жимми Хоффа болон Натали Холовей нар ямар ч ул мөргүй алга болсон юм. Тэднийг хаачсан болон чухам яг юу болоод өнгөрснийг хэн ч тайлаагүй байна.
3. ЗУРГАА ДАХЬ МЭДРЭХҮЙ
Зургаа дахь мэдрэхүй хүн болгонд танил сонсогдож байгаа байх. Хэнд ч, ямар нэг тулгамдсан үед сонголт хийх хэрэг гардаг. Энэ үед зургаа дахь мэдрэхүй буюу зөн совингоо сонсдог. Зургаа дахь мэдрэхүй, зөн совингийн талаар одоо болтол логик үндэстэй нотолгоо гараагүй л байна.
2. ЦАСАН ХҮН
Цасан хүнийг та бас л мэднэ. Алмас гэж нэрлэгддэг түүнийг хүмүүс харсан гэх боловч шинжлэх ухааны үүднээс судалсан ямар нэг тайлбар хийж чадаагүй нууц хэвээрээ үлдсэн.
1. ТАОСЫН ДУУ
Нью-Мексико муж улсын Таос гэх жижигхэн хотын иргэд сүүлийн хэдэн жилийн турш цөлөөс гарч буй богино давтамжтай дууг сонссоор ирсэн. Тэд хаанаас гарч байгааг шинжлэх ухааны хүрээлэнгүүдээс олон арван мэргэжилтэн олон арван мэргэжилтэн судлаачдыг урьж ажиллуулсан ч юу ч хэлж чадаагүй. Таосын дуу одоо болтол сонсогддог байна.
Сэтгэгдэл (6)