Үндэсний Татварын ерөнхий газрын хэлтсийн дарга нарыг өнгөрсөн баасан гаригт гэрээс нь баривчилжээ. Тэднийг  онц их хэмжээний татварыг нуун дарагдуулж, албан тушаалын байдлаа урвуулан ашиглаж, авлига авсан гэдэг үндэслэлээр цагдан хорьсон байна.
    Үндэсний Татварын ерөнхий газрын хэлтсийн дарга нарыг өнгөрсөн баасан гаригт гэрээс нь баривчилжээ. Тэднийг  онц их хэмжээний татварыг нуун дарагдуулж, албан тушаалын байдлаа урвуулан ашиглаж, авлига авсан гэдэг үндэслэлээр цагдан хорьсон байна.
    Ийнхүү гэнэт баривчилсан нь МИАТ-ын хэрэгтэй холбоотой байж болзошгүй хэмээн үзэж байгаа юм. Энэ талаар Нийслэлийн прокурорын орлогч Ё.Сагсайгаас тодруулахад “ МИАТ-ын хэрэгтэй холбоогүй. Татварын асуудлаар АТГ-аас баривчилсан. Мөрдөн байцаалтын явцад хүн нэмж шалгана” гэлээ.
    Харин эх сурвалжийн мэдээлснээр тус газрын Хяналт шалгалтын хэлтсийн дарга Н.Гансүх, Төсвийн орлогын хураамжын тасгийн дарга Н.Энхбат, байцаагч Н.Бямбасүрэн нарыг АТГ-ын мөрдөн байцаагчид баривчилсан юм байна. Тэднийг олон тэрбум төгрөгийн татварыг нуун дарагдуулсан гэдэг үндэслэлээр шалгаж байгаа аж. Мөн тэд хувийнхаа дансанд тэрбумаар нь мөнгө хийсэн байсныг илрүүлсэн гэх мэдээллийг өгсөн юм.
    Н.Гансүхийг Төв аймгийн цагдан хориход, нөгөө хоёрыг нь Цагдан хорих 461 дүгээр ангид хорьжээ.