Ирэх хоёрдугаар сарын сүүлчээр ажлаа өгөх Өмнөд Солонгосын Ерөнхийлөгч Ли Мён Бак 55 хоригдолд тусгай өршөөл үзүүлэх шийдвэрийг мягмар гарагт  гаргасан нь ихээхэн хэл ам дагуулжээ.

 

    Ирэх хоёрдугаар сарын сүүлчээр ажлаа өгөх Өмнөд Солонгосын Ерөнхийлөгч Ли Мён Бак 55 хоригдолд тусгай өршөөл үзүүлэх шийдвэрийг мягмар гарагт  гаргасан нь ихээхэн хэл ам дагуулжээ.

    Учир нь түүний өршөөж буй хоригдлуудын дунд авлигын хэргээр ял сонссон сайдууд, найз нөхөд нь, бизнесменүүд, хуульчид болон итгэлийг нь хүлээж байсан хүмүүс байсан байна.

    Ерөнхийлөгч Ли Мён Бакийн энэ шийдвэрийг удахгүй түүний халааг авах Пак Кын Хе эрс буруутгасан байна.  Пак Кын Хегийн хэвлэлийн төлөөлөгч “Ли Мён Бак  Ерөнхийлөгчийн эрх мэдлийг урвуулан ашиглаж, олон нийтийн хүсэл эрмэлзлэлийг үл ойшоолоо” гэж хэлсэн байна.

    Өмнөд Солонгосын Үндсэн хуулийн дагуу Ерөнхийлөгч Үндэсний баяр юм уу, Ерөнхийлөгчийн албаа өгөхийн өмнө хоригдлуудад өршөөл үзүүлэх эрхтэй байдаг юм.