ТӨХ-ны шийдвэрээр Монгол-Оросын хамтарсан Уулын баяжуулах “Эрдэнэт” үйлдвэрийн ерөнхий захирлын үүрэг гүйцэтгэгчээр Цэрэнсамбын Даваацэрэнг томилжээ. “Эрдэнэт” үйлдвэрийн түүхэнд анх удаа олны танил биш хүнийг сонгож байна. Ц.Даваацэрэн нь Бор-Өндөрийн уурхайгаас ажлын гараагаа эхэлж засварчнаас механик, цехийн дарга, орлогч дарга болтлоо дэвшжээ. Үүний дараа Бэрхийн уурхайд ажиллаж, ашиггүй байсан уурхайг ашигтай болгожээ. Мөн Дарханы Төмөрлөгийн үйлдвэрт ажиллахдаа 2001 онд 3,1 тэрбум төгрөгийн алдагдалтай байхад нь авч 2006 онд 2,7 тэрбум төгрөгийн ашигтай болгон өгчээ. Ийнхүү гурван уурхайг алдагдлаас гаргаж туршлагатай менежер гэдгээ харуулсан байна. Үүний дараа АМХЭГ, төрийн байгууллагад ажилласан хүн юм.