Үндэсний баяр наадмыг зохион байгуулах үндэсний хороо шинэ бүрэлдэхүүнээрээ хоёр дахь удаагийн хурлаа хийж дууслаа. Хурлаас А, B сорьцоос нь сэргээшийн төрлийн бодис илэрсэн улсын арслан Х.Мөнхбаатарын Ардын хувьсгалын 91 жилийн ойн баяр наадмын 5, 6, 7-гийн даваанд давсан давааг хүчингүй болгожээ. Харин улсын начин Б.Сугаржаргалын зургаан сар барилдах эрхийг хасах шийдвэр гаргасан байна. Үндэсний баяр наадмыг зохион байгуулах үндэсний хороо энэ шийдвэрийг Монгол Улсын Ерөнхийлөгчид танилцуулах бөгөөд Ерөнхийлөгч сэргээш хэрэглэсэн бөхчүүдэд ямар хариуцлага хүлээлгэхийг эцэслэн шийдэх юм байна.