Энэтхэг улсад саяхан олныг цочроосон хоёр ч хүчингийн хэрэг гарсан билээ.  Хүчингийн хэргийг үйлдсэн этгээдүүдэд ялын дээд хэмжээг оноосон байсан ч хохирогч эмэгтэйчүүдийн эрхийг хамгаалахаар эсэргүүцэж буй жагсагчдын шаардлагаар цаазаар авахаар болсон байна.

Мөн тус улсын хуулийн байгууллагынхан эрүүгийн хуулиндаа маш богино хугацаанд өөрчлөлт оруулж хуулийг чангатгажээ. Шинэчлэн баталсан хуулийн дагуу хэрэгтнүүдэд долоон жилээс эхлээд цаазаар авах хүртэл ял оноодог болж байгаа юм. Урьд өмнө нь Энэтхэгт хуулийн төслийг хэзээ ч  ийм амархан баталж байгаагүй аж. Мөн хүчингийн хэрэг үйлдсэн хүнд ялын дээд хэмжээ буюу бүх насаар нь хорих ял оноодог байсан юм.