“Only ONE” залуусын давалгаа ТББ-аас энэ сарын 14-ны өдөр буюу Гэгээн Валентины өдөр Сүхбаатарын талбай дээр 247 залуу хосуудын гэрэлт зул хөөргөх ёслол зохион байгуулах гэж байна. Гэрэлт зул хөөргөх нь хүсэл биелүүлдэг, сэтгэлийг ариусгадаг гэж үздэг гэнэ. Иймээс хайр сэтгэлээр холбогдсон хосууд хамтдаа хүслээ шивнэх боломж олгож, хайрын баяраар нэгэн романтик мөчийг бэлэглэхээр энэхүү арга хэмжээг зохион байгуулж байгаа юм байна.

Ирсэн хосуудаас нэг азтаныг шалгаруулж 247 ширхэг сарнай бэлэглэх бөгөөд өөр олон сюрприз төлөвлөөд байгаа гэсэн. Одоогоор 247 хосын тал хувь нь урилгаа авсан байна. Арга хэмжээнд оролцоход үнэ төлбөргүй бөгөөд урилгыг тус ТББ-ийн Facebook хуудсанд хандан авч болох аж.