Бяцхан охиныг хулгайлж хүчиндээд зам дээр хаясан аймшигт хэрэг Энэтхэгт гарсан талаар “BBC” онцолжээ. Энэ нь мөн л хоёр сарын өмнөхтэй адил олон мянган энэтхэгчүүдийг жагсахад хүрсэн байна.

    Бяцхан охиныг хулгайлж хүчиндээд зам дээр хаясан аймшигт хэрэг Энэтхэгт гарсан талаар “BBC” онцолжээ. Энэ нь мөн л хоёр сарын өмнөхтэй адил олон мянган энэтхэгчүүдийг жагсахад хүрсэн байна.

    Дэлхий нийтийг жигшихэд хүргэж буй энэхүү аймшигт хэрэг Дели хотын Гургаон дүүрэгт өнгөрсөн баасан гарагт болжээ. Хэргийн талаар орон нутгийн хэвлэл баасан гарагт мэдээлснээр олон нийт, дэлхий дахинд хүрсэн байна.

    Гургаон хотын цагдаа Ом Пракашийн мэдээлснээр охин эмнэлэгт эмчлүүлж байгаа аж. Эрүүл мэндийн шинжилгээгээр түүнийг хүчиндсэн болох нь тогтоогдсон байна. Зургаан настай охин сэтгэл санаа болоод бие мах бодийн гүн цочролд байгааг эмч нар мэдээлжээ.

    “Бид харгис гэмт этгээдүүдийг шуурхай хайж байна. Гэхдээ тодорхой мэдээлэл байхгүй учраас эрэн сурвалжлах ажиллагаа амжилт олохгүй байна. Охин зургаан настай хэдий ч гүн цочролд орсон учраас юм ярьж чадахгүй, тодорхой мэдээлэл өгөхгүй байгаа” хэмээн Ом Пракаш хэвлэлд ярьжээ.

    “The Times of India” сонины мэдээлснээр охиныг 20 орчим насны эрэгтэй хүчиндсэн гэж үзэж байна. Гэхдээ шинжилгээгээр түүнийг нэгээс олон хэрэгтэн хүчиндсэн байх магадлал тун өндөр гарчээ.

Энэхүү хэргийн талаарх мэдээлэл цацагдсаны дараа энэтхэгчүүд дахин жагсаж эхэлжээ.