Аймаг, нийслэлийн Иргэдийн төлөөлөгчдийн хурлын шийдвэр, тухайн орон нутгийн байгаль, цаг уурын онцлог, цэргийн албанд татах цэргийн насны иргэдийн тоо зэргийг харгалзан 2013 онд дүйцүүлэх албанд элсүүлэх иргэдийн тооны дээд хязгаарыг Засгийн газраас тогтоожээ. Мөн Засгийн газрын хуралдаанаар цэргийн дүйцүүлэх албыг 2013 онд мөнгөн төлбөрийн хэлбэрээр орлуулан хаах иргэний төлөх төлбөрийн хэмжээг 3 сая 726 мянга 786 төгрөг байхаар тогтоосон байна.

Өнгөрсөн онд цэргийн насны залуусаар дүйцүүлэх алба хаалган анхан шатны бэлтгэл эзэмшүүлсний зэрэгцээ Засгийн газрын үйл ажиллагааны хөтөлбөрт тусгасан экологийн сүйрлээс сэрэмжлэн хамгаалах, ойжуулах, цөлжилттэй тэмцэх, байгалийг нөхөн сэргээх, түүнчлэн байгалийн гамшиг, ослын хор уршгийг арилгах, хүн, малын гоц халдварт өвчинтэй тэмцэх, урьдчилан сэргийлэх, аймаг, орон нутгийн бүтээн байгуулалтын ажилд татан оролцуулж 250 сая төгрөгийн ажил үүрэг гүйцэтгүүлжээ.