Цагдаагийн Ерөнхий газрын хоёр алба хаагчид зодуулсан иргэн Ө.Мөнх-Эрдэнэ гэгч хараагүй болжээ. Тэрээр нүдний хагалгаанд гурван удаа орсон ч тусыг эс олон, ертөнцийг харж чадахгүйдээ гомдолтой явна.
    Цагдаагийн Ерөнхий газрын хоёр алба хаагчид зодуулсан иргэн Ө.Мөнх-Эрдэнэ гэгч хараагүй болжээ. Тэрээр нүдний хагалгаанд гурван удаа орсон ч тусыг эс олон, ертөнцийг харж чадахгүйдээ гомдолтой явна.

    Ө.Мөнх-Эрдэнэ нь өдгөө 45 настай. Тэрээр “Барс” захын хойно байрлах “Ever Green” караокег түрээсээр ажиллуулж байжээ. Хэрэг өнгөрсөн оны арваннэгдүгээр сарын 15-ны 23.00 цагийн үед тус караокед гарсан байна.

    Цагдаагийн ажилтан Д.Эрдэнэбаатар, А.Батболд нар нь тухайн үед караокегоор үйлчлүүлж байсан Н.Ганбаатай маргалдаж, зодоон үүсгэжээ. Иймд Ө.Мөнх-Эрдэнэ “Энд зодоон хийж болохгүй”-г анхааруулсан байна. Гэтэл цагдаагийн ажилтнууд үгийн зөрөөгүй Ө.Мөнх-Эрдэнийг зодож танхайрсан аж.  Ө.Мөнх-Эрдэнэ нүд зодуулсаны дараа шууд юм харахгүй болжээ. Цагдаагийн алба хаагчид тухайн үед архи согтууруулах ундаа хэрэглэсэн байсан аж. Ө.Мөнх-Эрдэнийг эмнэлгийн зүгээс дахин хараа орох найдваргүй гэсэн байна. Мөн түүнийг  эмнэлэгт байхад Д.Эрдэнэбаатар ганц удаа л эргэж байсан бол А.Батболд нь утсаа авахгүй, уулзахгүй зугàтаад байгаа аж.

    Харин саяхан Д.Эрдэнэбаатартай утсаар ярьтал “Би ч бас амьдралгүй болчихсон байна” гэх үгийг хохирогч Ө.Мөнх-Эрдэнэд хэлжээ.

    Анх бүлэглэн үйлдсэн гэх зүйл ангиар эрүү үүсгэн шалгаж байсан бол саяхнаас Д.Эрдэнэбаатарыг танхай, А.Батболдыг хүн зодсон хэмээн зүйл ангийг нь өөрчилсөн байна. Иймд хохирогч Ө.Мөнх-Эрдэнэ ихэд гомдолтой байгаа аж.

    Хэргийн мөрдөн байцаалтын ажиллагаа дуусч прокурорын байгууллагад шилжүүлсэн боловч дахин мөрдөн байцаалтад буцаад байгаа юм байна.