“Долдугаар сарын 1”-ний хэрэгт буруутгагдаж, гурван шатны шүүхээс 2.6-3.6 жилийн хорих ял сонсон ялаа эдэлж буй цагдаагийн экс дарга нар Улсын дээд шүүхийн Ерөнхий шүүгчид хандсан.
    “Долдугаар сарын 1”-ний хэрэгт буруутгагдаж, гурван шатны шүүхээс 2.6-3.6 жилийн хорих ял сонсон ялаа эдэлж буй цагдаагийн экс дарга нар Улсын дээд шүүхийн Ерөнхий шүүгчид хандсан. Гэвч Ерөнхий шүүгч хэргийг хянаж үзээд, нийт шүүгчдийн хуралдаанаар хэлэлцэх үндэслэлгүй гэжээ. Ингэснээр тэдний хэргийг нийт шүүгчдийн хуралдаанаар хэлэлцэх шаардлагагүй болж, тэд ялаа эдлэхээс өөр аргагүйд хүрлээ.
    ЦЕГ-ын даргын үүрэг гүйцэтгэгч асан, хошууч генерал Ч.Амарболд хуучин ганц худаг буюу хорих 441 дүгээр ангид, хурандаа Ш.Батсүх Амгалан дахь хорих 421 дүгээр ангид, харин хурандаа О.Зоригтын цагдан хорих 461 дүгээр ангийн хориход эмчлүүлж байгаа. Гэвч тэдний биеийн байдал улам дордож, тааруу байгаа талаар эх сурвалж мэдээллээ.
     Ч.Амарболд, О.Зоригт, Ш.Батсүх нар гурвуулаа чихрийн шижинтэй. Мөн хоригдох хугацаандаа Ч.Амарболд, О.Зоригт нар нь хагалгаанд орж байсан билээ. Мөн ШШГЕГ-аас эмнэлэгт яаралтай хэвтэж эмчлүүлэх шаардлагатай хоригдлуудын нэрсийн жагсаалтыг гаргахад Ш.Батсүх хурандаагийн нэр багтсан юм.