БНАСАУ өчигдөр Америк болон Өмнөд Солонгос улсуудын хамтарсан цэргийн сургуулилт хийж байгаа эргийн ойролцоох  Япон тэнгист ойрын зайн пуужин харважээ. “KСNA” агентлагийн мэдээлснээр Хойд Солонгос улс ойрын зайн “KN-02”  нэртэй хоёр ширхэг пуужин туршилтын журмаар Япон тэнгис рүү харвасан байна. Хойд Солонгос ийн богино зайн пуужин хөөргөсөн нь  АНУ, БНСУ-дын хамтарсан цэргийн сургуулилтын эсрэг сүрдүүлж буй хариу үйлдэл аж. Хойд Солонгос улсын зүгээс сүүлийн үед үндэсний төв мэдээллийн сайтуудад халдсан хакерын дайралтад Америк болон Өмнөд Солонгосыг буруутгаж байгаа юм. Харин үүний хариуд Өмнөд Солонгос хакерын халдлагад буруугүй хэмээн мэдэгдсэн бол АНУ ямар нэгэн мэдэгдэл хийхээс татгалзсан тухай “Dailymail”-д мэдээлжээ. Үүнээс өмнө Өмнөд Солонгосын зүгээс хойд хөршийн дайралтаас сэргийлэх үүднээс Хойд Солонгосын хилээс 13 хүрэхгүй км-ын зайтай оршдог Кёнги мужийн Пажу хотын цэргийн хамгаалалтанд “K-55” танкуудыг байршуулсан байна.