Монгол Улсын Ерөнхийлөгч Ц.Элбэгдорж Баянзүрх дүүргийн эмнэлгээр орж, ажил байдалтай нь танилцжээ. Тус эмнэлгийн ерөнхий эмч Б.Сувдаа угтан авч зарим тасгаараа оруулж товч танилцуулахдаа хүүхдийн тасгийг онцлон үзүүлсэн байна. Тэрээр "Эмнэлэг тендерээр менежментийн багт хувьчлагдсан. 125 хүүхдийн ортой ч одоо 140 хүүхэд хүлээн авч эмчилж байгаа. Намар 10 дугаар сараас хавар 6 дугаар сарын хооронд эмнэлгийн ачаалал их байдаг" гэлээ.
Ерөнхийлөгчийг нэн шаардлагатай зүйл юу байгааг лавлахад “Хүүхдийн амьсгалын болон рентген аппарат хэрэгтэй. Жил ирэх тутам эмчлүүлэгчдийн тоо нэмэгдэж, эмнэлгийн хүчин чадал хүрэлцэхгүй байна. Мөн эмч нарын цалин, эмчлүүлэгчдийн даатгалтай холбоотой асуудлуудыг эргэн авч үзүүштэй байдаг” гэжээ.
Ерөнхийлөгч даатгал, эмнэлгийг өргөтгөх боломж, эмчлүүлэгчдийн тоо хэрхэн өсч буй, хэвтэж эмчлүүлэх ор хоног амьдралд хэр нийцэж байгаа талаар лавлаж, эмч, ажилчдад нь ажлын амжилт хүссэн байна.
