Газрын тухай хуульд зааснаар газрыг дуудлага худалдаа, төсөл сонгон шалгаруулалтаар олгох ёстой. Тэгвэл Газрын тухай хууль 2003 оны íýãдүгээр сарын 1-íээс хэрэгжиж эхэлснээс хойш 26-хан удаа дуудлага худалдаа болж, 6,3 тэрбум төгрөгийн худалдаа хийсэн байна. Харин 23 газарт төсөл сонгон шалгаруулалт явагдсан ажээ. Газрын тухай хууль гарснаас хойш эзэмшсэн газруудын 50-иад нь хууль журмын дагуу олгогдсон байна. Харин тоо баримтаас харахад одоогийн байдлаар 17000 газар эзэмшигч байдаг бол 90000 хүн газраа өмчилсөн байна. Олон зуун га-гаар нь газар аваад цааш дамладаг, жижигрүүлж олон эзэмшигчтэй болгодог зэрэг хууль бус үйл ажиллагаа олон жилийн туршид өргөн цар хүрээтэй явагдаж ирсэн билээ. Өмнөх Нийслэлийн Засаг дарга болон дүүргүүдийн засаг дарга нартай холбоотой зөрчлүүдийг хууль хяналтын байгууллагад өгсөн эсэх талаар Өмчийн Харилцааны Газрын дарга Ш.Төмөрбаатараас тодруулахад "Газрын тухай хуулийг батлахдаа сайн журамлаж өгөөгүй цоорхойтой хууль төрүүлсэн учраас зарим хууль бус үйлдэл гарсан байх. Мөн санаатай үйлдлүүд ч олон байсан, манай хууль зүйн хэлтсээс холбогдох хүмүүсийг хууль хяналтын байгуулагад өгсөн” гэж хариуллаа. Мөн газар олгох журамд өөрчлөлт оруулах ажлын хэсэг байгуулагдан ажиллаж байгаа бөгөөд журам боловсруулагдан гарсны дараа НИТХ-д оруулан батлуулах юм. Мөн газрын бүсчлэл үнэлгээ тогтоох ажлын хэсэг ч байгуулагджээ.