АНУ-ын иргэн Жон Мартин Кийнийг хөнөөсөн 24 настай Ч.Баттуулыг өнөөдөр Сонгинохайрхан дүүргийн шүүхэд шүүж эхэлсэн ч тодорхой шалтгааны улмаас хойшиллоо. Учир нь уг хэрэгт ажиллаж байсан улсын яллагч Төв аймгийн прокуророор томилогдсон байна. Тиймээс шинэ прокурорыг хэрэгтэйгээ танилц хэмээн хурлыг ирэх долоо хоногийн пүрэв гарагийн 11.00 цагт хийхээр болжээ. Өмнөх улсын яллагчийн зүгээс түүнд 25 жилийн ял төлөвлөөд байгаа юм.
Ч.Баттуул нь өнгөрсөн оны нэгдүгээр сарын 6-ны өдөр манай улсын хилээр орж ирсэн Америк иргэн Жон Мартин Кийнийг зургаан удаа буудаж, амь насыг нь хөнөөсөн юм. Энэ талаар тэрээр "Эрдэнэ сумын нутагт аваачиж амь насыг нь бүрэлгээд хэргээ нуухын тулд цогцсыг нь булсан” хэмээн мэдүүлсэн байдаг.
Б.Чимэг
Сэтгэгдэл (8)