“Дижитал” хамтлагийн ахлагч Ш.Батбаяр буюу Баавар хорих 461 дүгээр ангид шатан, түлэгдсэн хэрэг олны анхаарлыг татаж байна. Гэвч хоёр талаас өөр өөр тайлбар хийж эхэллээ. Тодруулбал, ШШГЕГ-аас түүнийг өөрийгөө шатаахыг завдсан гэх мэдээллийг өгсөн ч Баавар “цахилгааны гэмтлээс гал гарсан” гэж мэдэгдсэн юм. Мөн галыг гаднаас ямар нэгэн зохион байгуулалттайгаар гаргасан хэмээн үзэж байгаа аж.
 “Дижитал” хамтлагийн ахлагч Ш.Батбаяр буюу Баавар хорих 461 дүгээр ангид шатан, түлэгдсэн хэрэг олны анхаарлыг татаж байна. Гэвч хоёр талаас өөр өөр тайлбар хийж эхэллээ. Тодруулбал, ШШГЕГ-аас түүнийг өөрийгөө шатаахыг завдсан гэх мэдээллийг өгсөн ч Баавар “цахилгааны гэмтлээс гал гарсан” гэж мэдэгдсэн юм. Мөн галыг гаднаас ямар нэгэн зохион байгуулалттайгаар гаргасан хэмээн үзэж байгаа аж.
    Учир нь гал гардаг орой Баавар “Гал гарч байна, амь авраарай” хэмээн  25-30 орчим минут хашгирч байхад тус хорих ангийнхан ямар ч тусламж үзүүлээгүй байна. Тиймээс ар гэрийнхэн нь ч галыг явуулга хэмээн үзэж, Хууль зүйн сайд Х.Тэмүүжинд өргөдөл гаргажээ.

    Баттай эх сурвалж буюу өөрийнх нь хэлснээр бол түүнийг усанд орохоор явж байхад нь  удаан хоригдсон хоригдол “бидэнтэй хамт усанд орохгүй яасан юм” хэмээн толгой уруу нь хоёр ч удаа цохиод авчээ. Харин түүний хариуд Баавар “миний найз яаж байна” гэж хэлэхийн завсарт хоёр харгалзагч ирээд ямар ч үгийн солиогүй хоёр гарыг нь ард нь гавлаад, хөлийг нь дөнгөлөөд сахилгын өрөөнд хийжээ.

    Монгол Улсын хуулиар бол гавлаж дөнгөлнө гэж байдаггүй бөгөөд эрүү шүүлт болох энэ аргыг ШШГЕГ дотоод журам гэдгээрээ зохицуулдаг ажээ.   

    Түүнчлэн Бааварын хувьд өөрийгөө шатаах хүн биш гэдгийг ар гэрийнхэн болон найзууд нь мэдэгдээд байгаа. Тиймдээ ч “Дижитал” хамтлагийн зүгээс албан ёсны мэдэгдэл гаргажээ. Уг мэдэгдэлд “Дижитал хамтлагийн ахлагч асан хип хоп холбооны тэргүүн Ш.Батбаяр буюу найз Бааварыгаа бусдын нөлөөнөөс болж, эрүүл мэндийн хүнд байдалд орсонд харамч байгаагаа илэрхийлж байна. Мөн Дижитал хамтлагийнхан уг хэргийн буруутанг олоход чадах бүхнээрээ зүтгэх болно. Найз Бааварыгаа хүндэтгэсэн Х.Халиун Г.Эрдэнэбилэг Г.Мөнхбат Ч.Мөнхбаяр” гэжээ.
    Мөн зарим хүн сонгуулийн сурталчилгаанд их явдаг байсан. Тиймээс намуудын нөлөөлөл байх ч магадлалтай хэмээн үзэж байгаа юм.
    Харин зарим нь шүүх хурлаас зугатаж, энэхүү алхамыг хийсэн хэмээн үзжээ. Учир нь түүний шүүх хурал өчигдөр болох байсан бөгөөд улсын яллагчийн зүгээс түүнд 10-15 жилийн ял төлөвлөөд байсан аж. Тиймээс ял авахгүй гэсэндээ ийм алхам хийсэн байх магадлалтай гэх ч хүн байгаа юм.
    Хорих ангийн өрөө бүр камертай байдаг. Тэгэхээр Баавар үнэхээр өөрийгөө шатаахыг завдсан бол уг бичлэгийг хорих ангийнхан ил гаргаснаар уг хэргийн үнэн худал мэдэгдэх боломжтой юм. 
    Юутай ч үнэн худал нь мэдэгдэхгүй олон таамаг гарч ирсээр. Харин өөрийгөө шатаасан уу, гадны нөлөөтэй байв уу гэдгийг хуулийнхан шалгаж байна.