“Дижитал” хамтлагийн ахлагч Ш.Батбаяр буюу Баавар хорих 461 дүгээр ангид шатсан хэрэгт хоёр талаас өөр өөр тайлбар хийж байгаа нь олныг төөрөгдүүлж байна. ШШГЕГ-аас “Баавар өөрийгөө шатаахыг завдсан” гэсэн бол Баавар “Цахилгааны гэмтлээс гарсан галаас болж, өнөөдөр би ийм байдалтай байна” хэмээн мэдэгдээд байгаа. Харин уг хэргийн үнэн мөнийг олох, олон нийтийн төөрөгдлийг арилгах бичлэг ШШГЕГ-ынханд байгаа юм. Тодруулбал, хорих ангийн өрөө бүр камертай байдаг. Тэгэхээр Бааварын өөрийгөө шатаахыг завдсан уу, гал цахилгааны гэмтлээс болсон уу гэдэг нь тус өрөөний камерт бичигдэн үлдсэн байгаа юм. Гэвч ШШГЕГ-аас уг бичлэгийг олон нийтэд дэлгэхгүй байна. Тиймээс ар гэрийнхнийх нь зүгээс бичлэгийг дэлгэхийг шаардахаар болжээ.
МАХН-ын дарга Н.Энхбаярын хоригдож байх үеийн бичлэгийг олон нийтэд ил болгож байсан учраас Бааварын бичлэгийг олон нийтэд дэлгэх байх хэмээн найдаж байгаа аж.
Б.Чимэг
Сэтгэгдэл (6)