Энэ сарын 20-нд Чингэлтэй дүүргийн XII хороо буюу Хайлаастад хүргэн нь өш хонзон санаж хадам талынхаа зургаан хүнийг шатаасан аймшигт хэрэг гарсан билээ. Тус аймшигт хэргээс болж нэг гэр бүлийн зургаан хүний хоёр эрэгтэй нь 60-65, нэг охин нь 90, аав нь 60 хувийн түлэгдэлттэй байсан.  Долоон хүн түлэгдсэний гурав нь өнгөрсөн долоо хоногт нас барсан. Тэгвэл өнөөдөр дахин хоёр нь шархаа даалгүй амиа алдлаа.

Галд өртсөн ээж, гэмт хэрэгтний эхнэр хоёр өчигдөр орой 19.00 цагийн орчимд нас баржээ. 80 хувийн түлэгдэлттэй байгаа 28 настай том хүү болон гал тавьсан залуу н.Наранбаатар нарын биеийн байдал ч сайнгүй байгаа аж. Харин гал тавьсан н.Наранбаатарыг өндөржүүлсэн хамгаалалтан дор эмчилж байгааг эх сурвалж хэллээ.