Хууль хяналтын байгууллагад Мэргэжлийн хяналтын байцаагч нар албан тушаалаа урвуулан ашиглаж бусдыг дарамталж мөнгө авсан гэх олон хэргээр шалгагдаж байна. Тухайлбал Сонгинохайрхан дүүргийн мэргэжлийн хяналтын байцаагчдыг албан тушаалаа урвуулан ашигласан хэмээн АТГ-аас шалгаж эхэлжээ. Эх сурвалжийн мэдээлж буйгаар Сонгинохайрхан дүүргийн мэргэжлийн хяналтын нэр бүхий таван байцаагч сүүн бүтээгдэхүүн үйлдвэрлэдэг “Баян чандмань милк” ХХК-ийн ажилчдыг дарамталж, нэхсэн авилгыг нь өгөөгүйн төлөө томоохон сүлжээ дэлгүүрүүдэд худалдаж байсан бүтээгдэхүүний борлуулалтыг нь зогсоосон байна.