Энэ сарын 23-ны орой “Дижитал” хамтлагийн ахлагч асан Баавар ШШГЕГ-ын харьяа цагдан хорих 461 дүгээр ангид шатсан хэрэг гарсан. Түүнийг шатсан даруйд ШШГЕГ-аас “Баавар өөрийгөө шатаахыг  завдсан” гэх мэдээллийг олон нийтэд өгсөн юм. Гэвч үүнийгээ өнөөдрийг хүртэл баталж чадахгүй, тэр бүү хэл гадны нөлөөтэй шатжээ гэх таамаглалыг төрүүлээд байгаа юм.
    Энэ сарын 23-ны орой “Дижитал” хамтлагийн ахлагч асан Баавар ШШГЕГ-ын харьяа цагдан хорих 461 дүгээр ангид шатсан хэрэг гарсан. Түүнийг шатсан даруйд ШШГЕГ-аас “Баавар өөрийгөө шатаахыг  завдсан” гэх мэдээллийг олон нийтэд өгсөн юм. Гэвч үүнийгээ өнөөдрийг хүртэл баталж чадахгүй, тэр бүү хэл гадны нөлөөтэй шатжээ гэх таамаглалыг төрүүлээд байгаа юм.

    Тухайлбал, ШШГЕГ-аас Бааварын ар гэрийнхэнд “Гал гарах үед камер ажиллаагүй байсан” гэх тайлбарыг өгсөн бол сэтгүүлчдэд “Дотоод журмын дагуу бичлэгийг олон нийтэд дэлгэх хориотой” гэсэн юм. Гэтэл Ерөнхий сайд Н.Алтанхуягт “Бичлэг алга болсон”, харин Хууль зүйн дэд сайд Э.Эрдэнэжамьяанд “Тухайн үед бичлэг унтраастай байсан” гэжээ. Харин дараахан нь ШШГЕГ-ын дарга Б.Ядамдорж “Гал гарах үеийн бичлэг устсан байна билээ. Тиймээс бичлэгийг сэргээнэ” гэсэн хачирхалтай
тайлбарыг өгсөн юм.

    ШШГЕГ-аас өгсөн таван өөр тайлбар Бааварыг гадны нөлөөтэй шатаасан юм биш үү гэсэн хардлага төрүүлэхээр байсан. Харин өнөөдөр уг асуудалд ШШГЕГ-аас албан ёсны мэдээлэл хийлээ. Мэдээллийг ШШГЕГ-ын дэд дарга Б.Хосбаяр хийв. Гэвч тэрээр тодорхой мэдээлэл хийсэнгүй. Сэтгүүлчдийн асуултад бөөрөнхийлсөөр гарч одлоо.

    Юутай ч Бааварын шатсан асуудалд ШШГЕГ-аас яагаад өөр, өөр тайлбар хийгээд байна вэ  гэх асуултад “Манай ажилчид уг асуудалд өөр, өөрийн төсөөллөөр тайлбар өгч байсан юм шиг байна. Би яг одоо тэр тийм тайлбар өгсөн гэх нь утгагүй. Дүгнэлт гартал хүлээ” гэв. Ийм ноцтой асуудалд өөрсдийн төсөөллөөр тайлбар хийж болдог юм уу гэж ШШГЕГ-ынхнаас асуумаар байна.

    Энэ чинь хүний амь нас, эрхтэй шууд холбоотой асуудал. Гэтэл ийм асуудалд өөрсдийн төсөөллөөр мэдээлэл хийнэ гэдэг арай хэтэрсэн хэрэг байлтай. ШШГЕГ-ынхан үнэхээр өөрсдийн төсөөллөөр мэдээлэл хийв үү, арьсаа хамгаалах гэж ийм үг унагасан уу.