МИАТ-ийн хэрүүл тогооноосоо аль хэдийн хальжээ. Дуулиант энэ компанийн удирдлагууд ТУЗ болоод салбарынхаа яамны хурал дээр хэд хэдэн удаа маргалдаж бүр нударга зөрүүлэхдээ хүрсэн гэж эх сурвалж мэдээллээ.
    МИАТ-ийн хэрүүл тогооноосоо аль хэдийн хальжээ. Дуулиант энэ компанийн удирдлагууд ТУЗ болоод салбарынхаа яамны хурал дээр хэд хэдэн удаа маргалдаж бүр нударга зөрүүлэхдээ хүрсэн гэж эх сурвалж мэдээллээ. Уг үйл явдлыг баталж энэ компанийн удирдлагууд телевизийн өмнө олон түмний нүдэн дээр зэргэцэж суучихаад бие биеэ баахан мууллаа. Монголд ийм үйл явдал бараг л анх удаа болж байж мэдэх юм. Нэг талаасаа өөрсдийгөө асар их шударга хүмүүс гэж тэвэр дүүрэн цаас барьж ярьж байгаа ч гэсэн ард түмэнд арай л муухай хүн чанаргүй, мөнгөний төлөө юу ч хийхээс буцахгүй хүмүүс байна даа гэсэн ойлголт төрүүлэв. Ийм хүмүүсээр төрийн компанийг удирдуулж байхаар хоёуланг нь халаад хөөгөөд явуулчих гэж зөвлөмөөр санагдлаа.

    УИХ-ын гишүүн асан С.Билэгсайхан МИАТ компанийн Бодлого төлөвлөлтийн хэлтсийн дарга болоод авчихаж. Хэзээ энэ хүнийг яагаад ч томилсон юм бэ. Өөрийн захирлаа түмний нүдэн дээр будаа болгох нь ээ. Ийм ариун шударга хүн байл уу?
Түүний яриагаар бол одоогийн захирал Г.Жаргалсайхан гэгч нь ах дүү хамаатан саднаараа МИАТ-ийг дүүргэсэн аж. Тэгээд өөрөө мөнгөн дээр гарын үсэг зураад эхнэр нь аудит хийдэг аж. Онигоо шахуу юм даа. Монголд ийм газар бас байна. Төрийн өмчит компанид л байж болох эрүүл бус үзэгдэл л дээ. Ийм учраас л МИАТ өөдөлдөггүй байх. Тэгээд зогсохгүй Г.Жаргалсайхан захирал нууц тушаал гаргаж хүмүүсийг 10-20 саяар цалинг нь тогтоодог гэнэ. Тэр нууц тушаалуудыг одоо ард түмэн ил болго гэж шаардах хэрэгтэй. Бас хямд үнэтэй авах юмыг өндөр үнэдэг авдаг аж. Төрийн мөнгө учраас л нугалаа гаргац “цохидог”-ийнх нь илрэл. Жишээлбэл МИАТ жилд 500 сая төгрөгийн виноны худалдан авалт хийдэг гэнэ. Тэгээд өнгөрсөн жил 5.6 еврогоор вино авч байж. Харин энэ жил 4.7 еврогоор вино аваач гэсэн санал ирэхэд Г.Жаргалсайхан захирал 7.6 еврогоор гэрээ хийж л дээ. Энэ мэт шударга нь дэндсэн наймаа тасардагүй бололтой. Тухайлбал  катерингийн үйлчилгээ МИАТ-ийн нэгэн шинэ дуулиан болох нь тодорхой боллоо. 2011 онд 2 тэрбум, 2012 онд 3.8 тэрбум төгрөгийг катерингэд шилжүүлсэн аж. Тэгээд энэ мөнгийг шалгаад буцааж авах асуудлыг яриад байгаа гэнэ. Энэхүү катерингийн үйлчилгээг хийсэн гэх “Нүхт тур” ХХK байгуулсан гэрээг салбарын яам нь цуцлах чиглэл өгч. Мөн Баянхонгор аймгийн “Анар тур” ХХK-д жилд 200 сая төгрөг шижлүүлдэг байсныг ч болиулж. Үүнээс гадна катеринг дээр өнгөрсөн аудитаар 73 сая төгрөгийн дутагдал гарсан бол саяхан л гэхэд 130 сая төгрөгийн дутагдал нэмэгдээд илэрчээ. Энэ мэтээр төрийн мөнгийг үрэн таран хийдгийг С.Билэгсайхан захирал тэвэр дүүрэн баримтаараа нотлохоо давхар нотлов. Тэрээр удирдлагуудаа цагдаад өгч шалгуулж байгаагаа ч бас дурдаад авав.

    Харин хэргийн эзэн Г.Жаргалсайхан захирал энэ бүхнийг шалгадаг газар нь шалгаж байгаа. Хариуцлага хүлээх ёстой бол хүлээхэд бэлэн. Буруугүй гэсэн тайлбарыг хэлэв. Энэ бүх маргаанд тулгуурлан одоо МИАТ-д салбарын яам, мэргэжлийн хяналт, төрийн өмчийн хороо, аудит гэсэн нилээд өргөн бүрэлдэхүүнтэй шалгалт орсон байна. Уг шалгалтын дараа л энэ хоёр эрхэмийн хэн нь үнэн худлаа яриад байгаа нь батлагдах биз.
МИАТ энэ бүх үргүй зардлыг л хямгадахад ашигтай биш юмаа гэхэд блансаа бариад баймаар. Гэвч хоноцын сэтгэлээр ханддаг, төрийн өмчийг мөнгө гэж хардаг, албаны биш амины ажлыг илүүд үздэг нөхдүүдийг нэгмөсөн зайлуулуулахаас гадна энэ компани өөдлөхгүй нь тодорхой боллоо.