Байлдааны бэлэн байдалд орж зөвхөн гал нээх тушаалаа хүлээсээр буй Хойд Солонгос улсын ээлжит заналхийллийг Өмнөд Солонгос улсын намууд үл тоолоо.Олон улсын хэмжээнд хоёр Солонгос улсын хоорондын муу харьцаагаар олны анхаарал татан улмаар гал нээх, хүйтэн зэвсэг хэрэглэхээ зогсоох олон улсын шаардлагын хариуд эдийн засгийн тусламж авч, өлсгөлөн иргэддээ үнэгүй будаа гурил авч өгдөг уламжлалтай Хойд Солонгос улс энэ удаа мөн л энэ аргаа хэрэглэжээ.
Тэд айлган сүрдүүлэх замаар хүссэн зүйлээ авч сурсан зангаа энэ удаа дахин ашиглаж байна гэж Сенүри болон Минжү намын төлөөлөгчид мэдэгдэн, Хойд Солонгосын дээрх заналхийллыг үл тоосон байна.
Цөмийн зэвсэг үйлдвэрлэн эзэмших, ашиглах, гал нээх зэрэг зүйлээр байнга айлган сүрдүүлэлт хийдэг Хойд Солонгос улс үнэхээр дайн хийх байсан бол хоёр Солонгосын худалдааны чөлөөт бүс Кесонгкунгданыг аль хэдийн хаах ёстой байтал одоо болтол ажиллуулсаар байгаа нь тэд 40 гаруй мянган Хойд Солонгос ажилчдын сарын цалин болсон 300 доллараас татгалзаж чадахгүй байгааг харуулж байна гэжээ.
Сэтгэгдэл (2)