Хакүхо М.Даваажаргалыг Япончууд үл тоомсорлож нутаг буцаах гэж байхад кёкүшюзан Д.Батбаяр аргалж авч үлдээсэн гэдэг.  Тийм ч учраас  М.Даваажаргал түүний ачаар их аварга болсныг хүн бүхэн мэддэг. Харин энэ их ачийг нь М.Даваажаргал хариулахыг бодож явдаг бөгөөд саяхан Д.Батбаярт их гарын шүрэн хөөрөг бэлэглэсэн байна. Энэхүү шүрэн хөөргийг Япон тэнгисийн шүрээр хийсэн бөгөөд Монголын “Эрийн гурван наадам”-ыг дүрсэлж захиалгаар сийлүүлсэн юм байна.  Тодруулбал, барилдаж буй бөх, давхиж буй морь, харваж буй харваачийн загварыг сийлжээ.