Өнөөдөр Гадаад харилцааны яамны хурлын танхимд 12.30 минутад Хөдөлмөрийн сайд Я.Санжмятав сэтгүүлчидтэй нээлттэй ярилцлага хийнэ.

Ерөнхий сайд Н.Алтанхуяг 11.00 цагт аймгуудын Засаг дарга нартай ээлжит цахим хурлаа хийнэ. Төрийн ордны Нутгийн удирдлагын танхимд уг хурал болно.

 10.00 цагт Монгол улсын Ерөнхийлөгчийн санаачлагаар, Ерөнхийлөгчийн Тамгын газар, Шүүхийн Ерөнхий Зөвлөлийн дэмжлэгтэйгээр хэрэгжиж байгаа “Нээлттэй шүүх” төслийн нээлтийн ажиллагаа Захиргааны хэргийн давж заалдах шатны шүүхийн байранд болно.

МҮХАҮТ-ын “ОХУ-тай хамтран ажиллах ажил хэргийн зөвлөл”-ийн ерөнхийлөгчөөр УИХ-ын гишүүн, Ардчилсан намын бүлгийн дарга Д.Эрдэнэбат томилогдсон. Тэрээр зөвлөлийн ерөнхийлөгчийн ажилдаа орж хоёр улсын худалдаа, эдийн засгийн өнөөгийн байдал, ОХУ-ын хил, гааль, хяналтын байгууллагуудын хүнд суртал, бэрхшээлүүд, цаашид хийх ажлын талаар гишүүдийн саналыг сонсохоор 11.00 цагаас МҮХАҮТ-д зөвлөлийн хурлаа хийхээр товложээ.

Нийслэлийн Аялал жуулчлалын газраас 10:00 цагаас “Харилцааны ур чадвар ба хандлага” сургалтыг жуулчидтай шууд харилцдаг байгууллагуудын удирдах ажилтнуудын дунд зохион байгуулах гэж байна.

 11:00 цагаас Хэвлэлийн Хүрээлэн дээр Монгол хүний хөгжлийн шийдвэрлэх олон асуудлыг анх удаа нэгтгэж үндэсний хэмжээний үйл ажиллагаа эхлүүлсэн талаар КТМС-ийн захирал, доктор профессор Г.Батхүрэл, ШУТИС-ын багш доктор, дэд профессор Б.Даваажав, Хөдөлмөрийн яамын харъяа хөдөлмөрийн судалгааны институтийн захирал Л.Алтансүх, Монголын хүний нөөцийн удирдлага шинэчлэлийн академийн захирал, доктор Ё.Мөнхдэмбэрэл нарын эрдэмтэд мэдээлэл хийнэ.
11.00 цагт Хүн төрөлхтөн Чингис хааны дэлхийн өвийг нээн бүртгэж, хамгаалж, удирдах “Orden IMPR” стандартын хуультай болсон талаар Чингис хааныг залгамжлагч хунтайж П.Давааням мэдээлэл хийнэ. 11.30 цагт ХХЕГ-аас цаг үеийн асуудлаар хэвлэлийн бага хурал зарлалаа.

"Монгол Ньюс" мэдээллийн төвд

12.00 цагт  “HSE systems” компани, Монголын мэргэшсэн хөдөлмөрийн аюулгүй байдал, эрүүл ахуйн инженерүүдийн холбоо, МҮХАҮТ, МҮЭ зэрэг байгууллага хамтарч “Нэн түрүүнд хөдөлмөрийн аюулгүй байдал” сэдвээр мэдээлэл хийнэ.

12.30 цагт “CONSULT EXPO-2013” үндэсний зөвлөхүүдийн анхдугаар үзэсгэлэн, форумын талаарх мэдээллийг сонирхоорой.

13.00 цагт “Ардчилсан хүчний холбоо” ТББ-аас хяналтын байгууллагуудын ёс зүйн асуудлаар хэвлэлийн хурал зарлалаа.

13.30 цагт Хүннү гүрэн байгуулагдсаны 2222 жилийн ойн хүрээнд 2222 уртын дууч бэлтгэж байгаа талаар “Улаанбаатар чуулга”-аас мэдээлэл хийнэ.