"Ice top” хамтлагийн реппер Хаагий нойр булчирхайн хорт хавдар туссаны улмаас биеийн байдал нь тун хүнд байгаа. Түүнийг Японд  улсад яаралтай хагалгаанд оруулахад 200 орчим сая төгрөг шаардлагатай байгааг бид өмнө нь мэдээлж байсан. Тэгвэл урлагийнхан дуучин Хаагийд зориулсан хандивын тоглолтыг дөрвөн өдөр дараалан  хийж байгаа юм. "Халуун сэтгэл” тоглолт уржигдар Рок попын одод, өчигдөр Нийтийн дууны одод, өнөөдөр Хошин урлагийн одод, маргааш Хип хоп одод тоглолтоо тавихаар болсон. 

Тоглолтын тасалбарын үнэ ердөө 10000 төгрөг. Гэтэл уржигдар “UB Palace”-д   болсон  рок, попынхны тоглолтод  үзэгчид багагүй цугласан ч өчигдрийн нийтийн дууныханы тоглолтод үзэгчид бараг цуглаагүй учир цуцалсан байна. Үүнд урлагийнхан маань маш их харамсаж байгаа юм. Уншигч тоглолтыг үзэж амжаагүй бол  өнөөдөр, маргааш болох тоглолтыг заавал зориорой. Таны нэг тасалбар, нэг мэссэж дуучин залууд маш их сэтгэлийн дэм өгөх юм шүү.