Оросын ерөнхийлөгч ой модны үйлдвэрлэлийн асуудлаар төрийн зөвлөлийн хуралдаан хийлгэхээр өчигдөр Буриадад ирэв. Онгоцны буудлаас тэрээр шууд Итгэлт хамбын занданшуулсан шарил байдаг Ивлэгийн дацан руу явжээ. Ерөнхийлөгчийг Оросын бурхны шашинтнуудын тэргүүн, хамба лам Дамба Аюушев угтан авчээ. Хийдийн 200 гаруй лам В.Путиныг жагсан угтахдаа хадаг барин мэндчилжээ. Харин В.Путинд хадгийг яах ёстойг хэн ч зааж өгөөгүй бололтой. Пальтоныхоо энгэр рүү эвхэж хийгээд дацантай танилцахаар дотогш орсон байна.