Монголчууд жимсэнд дуртай хvмvvс. Ямарч хамаагүй жимс л идэж байвал витамин, амин дэмийг авч байдаг гэсэн ойлголттой байдаг. Манай улсын дотооддоо ургуулдаг жимс яаж ч бодсон хvн амынхаа хэрэгцээнд хангалттай нийцэж чаддаггvй. Магадгvй энэ байдал нь биднийг Хятад жимсэнд тэмvvлэх эхлэл болсон байх.  Хvмvvсийн энэ хvсэлд нь дөрөөлөн Хятадын хортой жимсээр нутаг нэгтнvvдээ хордуулах бизнес эрхлэгчид олширсон.  Жимснээс болж хордлогонд орж тэр бүү хэл хавдар хүртэл тусч байсан хүмүүс байгаа. Тэгвэл сүүлийн үед өттэй, хайрагдсан жимсээс гадна лаатай, лаагаар бүрсэн жимсүүд гарч ирэх болж. Учир нь гадны оронд алим гэх амин дэмтэй жимсийг лаадаж муудахаас сэргийлдэг. Өнөөх нь эргээд хүмүүсийн бие маш сөргөөр нөлөөлдөг. Лаа хүний биед ямар муу гэдгийг бүх хүн л мэднэ. Ийм хортой зүйлээр  алим лаадаж байгаа нь хууль бус зүйл юм.

Vндэсний аюулгvй байдал хэмээн дарга нарыг ярьж суух зуур хvн амыг маань ходоодонд хортой хvнс  чимээгvйхэн мэрсээр удлаа.  Өнөөдөр хилийн боомт дээр буу барин зогсох цэргvvдээс илvvтэй гаднаас орж ирж буй хvнсийг шалгах бvрэн тоноглогдсон лаборант байвал өнөөх өндөр дуугаар яриад байдаг vндэсний аюулгvй байдлаа бид хамгаалж чадна. Дэлгvvрийн лангуун дээрх элдэв чамин өнгөтэй, том, жижиг  алим, жимсний  цаана хор нуугдсаар байгааг хэрэглэгчид төдийлөн мэдэхгvй.  Тэд хоол гэж авахаас биш хор болно гэж яахан мэдэх билээ. Vнэндээ гадны орнуудын дэлгvvрийн лангуун дээр 80 хувь нь дотоодын хvнс 20 хувь нь импортын бvтээгдэхvvн байдаг гэх юм билээ. Гэтэл манайх эсрэгээрээ 20 хувь нь дотоодынх, 80 хувь нь гадны бvтээгдэхvvн өрөөстэй байх юм. Гэтэл тэр импортын хvнс нь замдаа хэд хөлдөж, хэд гэсч ирэхээс эхлээд хугацаа нь хэтрэх бол энvvхэнд. Дээр нь "монгол арга" ходоодоор минь дамжин амь насанд минь заналхийлэх болсон.

Өнөөх хятадын vзэмийг өнгөлөг харагдуулахын тулд наранцэцэгийн тос хийн гадны элдэв тоос шороог татна. Алим жимсийг арааны шvvс асгаруулам харагдуулахын тулд лааддаг. Алимны хальс гэдэсний гүрвэлзэх хөдөлгөөнд сайн байдаг. Гэхдээ өнөө цагт монголд зарагдаж буй ихэнх алимыг хальстай нь идэхэд аюултай болсон. Ялангуяа америк алим гэгдэх улаан, ногоон ”Ваш”, орос алимнууд, хятад алимнууд бүгд  лааны тосонд дүрж хадгалалтыг сайжруулдаг юм билээ. Үүнийг мэдээд авахад илүүдэхгүй. Мөн одоо энэ алим лаадах байдал хэрээс хэтэрч угаахад хүртэл таталдаж, зууралддаг болж. Уншигч та ч алимыг угааж, хусч туршиж үзээрэй. МХЕГ-аас, хүнсний аюулгүй байдлыг сахин биелүүлэх үүрэгтэй байгууллагууд  ч энэ тал дээр дорвитой ажил зохион байгуулж хатуу хяналт тавих цаг нь болсон баймаар юм.