Өнөөдөр нийслэлийн 26-р тойрог буюу Сонгинохайрхан дүүрэгт нөхөн сонгууль явагдаж байна. Тэгвэл саяхан Ерөнхий сайд Н.Алтанхуяг саналаа өгчээ. Тэрээр Сонгинохайрхан дүүрэгт харьяалагддаг байна.

Ерөнхий сайд саналаа өгснийхөө дараа “Шинэчлэл хийхэд энэ суудал чухал хэрэгтэй байна. Сонгуульдаа идэвхтэй оролцоорой, манай Сонгиныхоон” хэмээн уриаллаа.

Сонгууль өглөө 07 цагт эхэлсэн юм. Тус дүүргийн сонгуулийн насны 179.824 иргэний саналыг хураахаар 80 хэсгийн хороо ажиллаж байна. Сонгинохайрханчууд тус тойрогт АН-аас нэр дэвшсэн Л.Эрхэмбаяр, МАН-аас нэр дэвшсэн Д.Сумъяабазар нарын төлөө санал өгч байна.

Д.Идэр