Шинэчлэлийн Засгийн газрын 16 яам, агентлаг болон нийслэлийн захиргааны бүх байгууллагын 7000 гаруй албан хаагчдад “Шинэчлэл-Сэтгэл гарган хийх ажил” сэдэвт төрийн албан хаагчдын анхдугаар уулзалтыг Буянт-Ухаа спорт цогцолборт амжилттай зохион байгууллаа. Төрийн албан хаагчид анх удаа ийнхүү  өргөн бүрэлдэхүүнээр цуглан, ажилдаа ямар зарчим баримтлан ажиллах ёстой талаар  хэлэлцсэн юм.

Энэхүү  уулзалтын үеэр Засгийн газрын бүх сайд хариуцсан салбартаа хийж буй ажил, шинэчлэлийн бодлогоо  танилцуулсан бөгөөд Ерөнхий сайд Н.Алтанхуяг Соёл, спорт, аялал жуулчлалын сайд хатагтай Ц.Оюунгэрэлийг  зөвхөн Монголоор овоглох брэндүүдээ дэлхийн тавцнаа таниулсаныг онцолжээ.