Өнгөрсөн гуравдугаар сарын 18-ны өдөр ШШГЕГ-н Тогтоол гүйцэтгэх газрын харъяа Ховд аймаг дахь жирийн дэглэмтэй хорих 457-р ангиас ялтан Хөтөөгийн Мягмаржав, Цэндмаагийн Батбаяр, Адъяабаатарын Отгонбаяр нар бүлэглэн оргосон.

Цагдаагийн алба хаагчид эрэн сурвалжлах ажиллагаа явуулсаар Х.Мягмаржав, А.Отгонбаяр нарыг баривчилсан бол өнөөдөр Ц.Батбаярыг саатууллаа.

Харин тэдний оргосон үйлдэлд Эрүүгийн хуулийн тусгай ангийн 261.2-т зааснаар эрүүгийн хэрэг үүсгэсэн байна. Тус зүйл ангид энэ хэргийг давтан буюу бүлэглэж, түүнчлэн онц аюултай гэмт хэрэгтэн үйлдсэн, эсхүл харуул манаанд зэвсэг, хүч хэрэглэж буюу хорих ангийн барилга байгууламж, хамгаалалтын тоног төхөөрөмжийг эвдэж оргосон бол таваас дээш  арван жил хүртэл хугацаагаар хорих ял шийтгэнэ хэмээн заажээ. Тэгэхээр тэд эдэлж байсан ял дээрээ нэмээд 5-10 жилээр шийтгүүлэх юм байна.