Өнгөрсөн бямба гаригт нярай хүүхдийн цогцос олдсон хэрэг гарсан. Энэ талаар ЦЕГ-ын Хэвлэл мэдээллийн төвийн дарга, хурандаа Т.Сайнжаргалаас тодрууллаа.
ЦЕГ-ын Хэвлэл мэдээллийн төвийн дарга, хурандаа Т.Сайнжаргалаас зарим нэг хэргийн талаар тодрууллаа.-Нярай хүүхдийн цогцос олдсон хэргийн талаар тодруулахгүй юу?
-Хүүхдийн цогцсыг Баянгол дүүргийн цагдаагийн хэлтсийнхэн олж шалгасан. Шалгалтын явцад амьсгалын замыг нь боон санаатайгаар хөнөөсөн болохыг тогтоосон. Гэмт этгээдийг эрэн сурвалжлах ажиллагааг явуулан, эрүүгийн хэрэг үүсгэн шалгаж байна.
-Эрүүгийн хуулийн ямар зүйл ангиар эрүү үүсгэсэн бэ?
-Эрүүгийн хуулийн тусгай ангийн 91.1-т зааснаар хүний амь насыг санаатай хөнөөх гэсэн зүйл ангиар эрүүгийн хэрэг үүсгэсэн байгаа. 10-15 жилийн хорих заалттай. Хүүхдийн эцэг эхийг олоогүй байгаа. Олсон тохиолдолд яагаад бусдын амь насыг санаатайгаар хохироосонг тогтооно. Тэгээд зүйл ангид өөрчлөлт орж болно. Одоогоор 91.1-т зааснаар эрүүгийн хэрэг үүсгээд байна.
Сэтгэгдэл (1)