Засгийн газрын тэргүүнийг огцруулж чадаагүй сөрөг хүчин АТГ-т хандаад байгаа билээ. Тэд   Ерөнхий сайд төрийн өмчит “Эрдэнэс Тавантолгой” ХК-ийн тендерт ах дүү нараа оролцуулсан гэж үзэж байгаа. Тиймээс Ерөнхий сайдыг шалгуулах хүсэлт, үндэслэлүүдээ сайтар тайлбарлаад,  ашиг сонирхлын хуулийг зөрчсөн гэх   үндэслэлд тулгуурласан олон баримтуудыг гаргаж  АТГ-т өгсөн билээ.  Тухайн үед АТГ-ын Мөрдөн шалгах хэлтсийнхэн “Гэмт хэргийн шинжтэй гомдол мэдээллийг хүлээн авснаас хойш 19 хоногийн хугацаанд нягталж, хариу өгөх журамтай” хэмээн тайлбарлаж байсан. Харин АТГ-аас хянаж шалгаад прокурорын байгууллагад танилцуулжээ. Иймд өнөөдөр прокурор шийдвэрээ гаргах юм байна.