11.00 цагт Хэвлэлийн хүрээлэнд"Өрсөлдөх чадварыг хэмжих нь" сэдэвт сургалт болно. Эдийн засгийн бодлого, өрсөлдөх чадварын судалгааны төв нь энэ жил орон нутгийн хөгжлийг 180 гаруй үзүүлэлтээр хэмжиж, Аймгуудын өрсөлдөх чадварын анхдугаар тайланг боловсруулан хэвлүүллээ. ЭЗБӨЧСТ уг судалгааны тайлангийн үр дүнг танилцуулахын зэрэгцээ өрсөлдөх чадварыг хэрхэн ойлгох, бусдад хэрхэн ойлгуулах талаарх сургалтыг эдийн засгийн сэтгүүлчдийн “Өөрчлөгч” клубийн гишүүдэд зориулан хийх юм байна. 12:00 цагт БШУЯ-ны 401 тоотод БШУЯ, МХАҮТ, Монголын сайтуудын холбоо, Сайтуудын ассоциаци, Монголын сонины холбоо, Монголын телевизүүдийн холбоо "Нийгэмд гэрэл тусгая" тунхаг бичигт гарын үсэг зурна. Эдгээр хэвлэл мэдээллийн байгууллагууд сэтгүүл зүйн №1 үүрэг буюу нийгмийг гэгээрүүлэх, танин мэдүүлэх үүргээ биелүүлж, энэ үйлсдээ БШУЯ-тай хамтран ажиллахаа энэхүү тунхагт гарын үсэг зурсанаар баталгаажуулж байгаа юм байна.
14.00 цагт Хан-Уул дүүргийн Иргэдийн Төлөөлөгчдийн Хурлын ээлжит бус IV хуралдаан дүүргийн ЗДТГ-ын Хурлын танхимд эхэлнэ. Хуралдаанаар дүүргийн нутаг дэвсгэр дэх үйл ажиллагаа нь түр зогссон байгаа элс, хайрга, дайрга зэрэг түгээмэл тархацтай ашигт малтмал олборлогч аж ахуйн нэгжүүдийн үйл ажиллагааг хэсэгчлэн сэргээх эсэх, мөн 16 хороонд Орон нутгийн хөгжлийн сангаар хэрэгжих төсөл хөтөлбөр, арга хэмжээний жагсаалтыг хэлэлцэнэ. Сэтгүүлч та бүхнийг хүрэлцэн ирж мэдээ бэлтгэхийг урьж байна.
12.00 цагт Хүүхдийн ордонд Оюу толгой компанийнхан Хүүхэд Асран хүмүүжүүлэх төвийн хүүхдүүдийг хүлээн авч уулзана.
НИТХ-ын ээлжит хуралдаан маргааш 09.00 цагт Хангарьд ордны 14 давхарт болно. Хуралдаанаар “Улаанбаатар хотын гэр хорооллын дэд төвийг хөгжүүлэх, хөрөнгө оруулалтыг дэмжих хөтөлбөрийг дэмжих” тухай, “Гэр бүлийн хэрэгцээний зориулалтаар иргэнд эзэмшүүлэх, өмчлүүлэх газрын байршил, хэмжээг тогтоох” тухай зэрэг асуудлуудыг хэлэлцэнэ.
13.00 цагт Хангарьд ордны зургадугаар давхарт Олон улсын хүүхдийн эрхийг хамгаалах өдрөөр Сүхбаатарын талбайд худалдаа, үйлчилгээ эрхлэх зөвшөөрөлтэй газруудад зөвлөмж өгөх хэвлэлийн бага хуралтай.
11:00 цагт Дэлхий нийтээрээ тамхи татахгүй өдрийг тэмдэглэн өнгөрүүлэхтэй холбогдуулан ДЭМБ, ЭМЯ-наас Зууны мэдээ сонины хоёр давхарт хэвлэлийн бага хурал зарлаж байна.
14:30 цагт Corporate-3 зочид буудлын UB Hall танхимд Монголын боловсролын салбарт он удаан жил хандив өргөн тусалж байгаа хандивлагчдтай БШУ-ны сайд. дэд сайд нар уулзана. Энэ үеэр Япон болон Хятадын элчин сайдын яам, Дэлхий Банк, Азийн хөгжлийн банк, UNICEF, КОЙКА, Жайка байгууллагаас монголын боловсролын салбарт хийж буй хөрөнгө оруулалтын бодлого, стратеги, цаашдын зорилтын талаар ярилцах юм.
