Дөнгөж төрсөн нярай хүүхдээ хаясан тохиолдол сүүлийн үед гарсаар байгаа. Тэгвэл төрөөд удаагүй байгаа хүүхдээ хогийн саванд хаясан хэрэг өчигдөр гарлаа. Тодруулбал, Баянгол дүүргийн XV хорооны 27 дугаар байрны гадаа хогийн функэрт нярай хүүхэд байна гэсэн дуудлага цагдаагийн байгууллагад ирсэн байна. Дуудлагаар очсон цагдаа нар хүүхдийг Эх, хүүхдийн эрүүл мэндийн үндэсний төвд хүргэжээ. Уг нярай 3.1 кг жинтэй эрэгтэй хүүхэд байсан бөгөөд төрөөд дөнгөж 1-2 хонож байсан аж.  Одоогоор Баянгол дүүргийн Цагдаагийн хэлтсийнхэн хүүхдийн эцэг, эхийг эрэн сурвалжилж, хэн болохыг нь тогтоогоод байгаа юм байна.