Энэ сарын 4-нд буюу өчигдөр эцгийг нь хуураад хүүхдийг нь авч явсан хэрэг гарчээ. Тодруулбал, Сонгинохайрхан дүүргийн 26 дугаар хорооны нутаг дэвсгэрт байрлах Улаанчулуутын хогийн цэгийн орчим иргэн С-ийг хог түүж байхад марк, улсын дугаар тодорхойгүй цагаан өнгийн суудлын машинтай хоёр хүн хурдан морь унах хүүхэд хайж байна” гээд иргэн С-ийн хүү болох есөн настай эрэгтэй С-ыг авч явчээ. Улмаад ор сураггүй болсон байна. Хүүгийн ээжийн хэлж буйгаар хүүг зөвшөөрөлгүй авч явсан гэнэ. Мөн эх сурвалжийн өгүүлж буйгаар 20 орчим настай мөн 50 гаруй насны хоёр хүн хурдан морь унах хүүхэд хайж байна гээд явж байсан гэнэ. Хүүхэд хулгайлсан уг хэргийг Сонгинохайрхан дүүргийн цагдаагийн нэгдүгээр хэлтэст шалгаж байна.