Манай улсын иргэн Эрээн хотод замын осол гаргаад эх орондоо зугтаж ирсэн талаар эх сурвалж мэдээллээ. Эх сурвалжийн мэдээлж буйгаар тэрээр машинтай явж байгаад БНХАУ-ын иргэний тээврийн хэрэгслийг мөргөчихжээ. Ингээд эх орондоо ирэхийн тулд нутаг нэгт нөхрийнхөө тээврийн хэрэгслийн багаажинд нь нуугдсан гэнэ. Гэтэл тэрээр Замын-Үүдийн шалган нэвтрүүлэх боомт дээр баригдажээ. Одоогоор түүнийг Дорноговь аймгийн Цагдаагийн газарт саатуулан шалгаж байгаа юм байна.