Өчигдрийн байдлаар цагдаагийн байгууллагад 12 хулгай, булаалт 3, танхай 8, тээврийн хэрэгслийн хөдөлгөөний аюулгүй байдлын журам зөрчсөн тохиолдох 31 бүртгэгджээ.  Хулгайн хэрэг өмнөх өдрүүдээс 50 хувиар буурсан үзүүлэлттэй байгаа аж. Түүнчлэн гадны жуулчид ихээр ирж байгаатай холбоотой гэмт хэрэг гаралт нэмэгдэх хандлагатай байгаа аж. Тиймээс жуулчдыг оруулж ирж байгаа байгууллагууд болон хувь хүмүүс үүн дээр анхаарч байхыг цагдаагийн байгууллагаас анхаарууллаа. Тухайлбал өчигдөр Сүхбаатар дүүргийн VIII дугаар хороонд Мишээл зочид буудалруу явах замдаа үүргэвчнээсээ Самсунг маркийн зургийн аппарат, 1000 орчим евро, бичиг баримт, банкны карт зэргээ алдсан хэрэг гарсан байна. Энэ хэргийг Сүхбаатар дүүргийн цагдаагийн хэлтэс шалгаж байгаа аж.