Хүний наймааны золиосонд охиноо алдсан Ц.Ганзоригийн гэр бүлийн цагдан хорьжээ

  Хүний наймааны золиосонд охиноо алдсан Ц.Ганзориг өнгөрсөн аравдугаар сард нас билээ. Тэрээр охиноо хүний наймааны золиосонд алдсан тул “Хүний наймааг зогсооё” хэмээн өлсгөлөн зарлаж байсан юм. Гэвч охиныг нь хохироож, хүчээр биеийг нь үнэлүүлж байсан хүмүүст хуулийнхан одоо хүртэл арга хэмжээ авч, хариуцлага тооцоогүй байгаа билээ. Харин талийгаач Ц.Ганзоригийн эхнэр, найман сартай жирэмсэн охин хоёрыг нь саатуулсан байна. Энэ талаар түүний эхнэр “Лантуун дохио” ТББ-ынханд мэдэгджээ.
 
Хэргийг сануулбал, Ц.Ганзоригийн охин гурван жилийн өмнө ор сураггүй алга болж, 12 хоног дараа олджээ. Түүнийг Н.Алтанзул гэгч эмэгтэй нөхөр, хүүгийнхээ хамт гэртээ хорьж, биеийг нь үнэлүүлж мөнгө олдог байсан гэнэ. Энэ тухай талийгаач Ц.Ганзориг “Охиноо амьд олсондоо л баярлаж байна. Хоёр жилийн өмнө охиноо алга болсны дараа нэлээн юм болж байж, 12 хоногийн дараа олсон. Гэтэл охиныг минь бие, гарыг тамхины цогоор түлж, бүр пийшингийн халуун ширмээр хүртэл түлж тарчлаасан байсан. Гарынх нь шууг шил, хутгаар зүсчихсэн гэх мэт бие нь маш их шарх сорвитой байсан. Тэр хүмүүс үгэнд нь орохгүй болохоор ингэж тарчлаадаг байсан юм билээ. Гэртээ хорьж, хүчээр биеийг нь үнэлүүлж мөнгө олдог. Монгол Улс чинь хуультай биз дээ. Гэтэл өнөөдрийг хүртэл хүний наймааны хэргийг зохион байгуулсан хүмүүст хариуцлага тооцохгүй байгаад гомдолтой байна” хэмээн ярьж байсан юм.

Харин “Лантуун дохио” ТББ-ынхан охиных нь биеийг хүчээр үнэлүүлж байсан Н.Алтанзул хохирогч болж, охиноо алдсан гэр бүл ийнхүү гэмт хэрэгтэн болж, цагдан хоригджээ хэмээн үзэж буйгаа илэрхийлжээ.  Тэгвэл энэ талаар прокурорын ерөнхий газрын холбогдох албаны хүнээс тодруулсан юм.

Ц.Ганзоригийн эхнэр,хүүхдүүд нь удаа дараагийн танхай, залилангийн хэрэгт шалгуулж байжээ. Ийн энэ сарын 13-нд цагдан хорьжээ

 Эх сурвалжийн хэлж буйгаар Ц.Ганзоригийн эхнэр, хүүхдийнхээ хамт  2010 оны 01 дугаар сарын 26-наас 27-нд шилжих шөнө Баянгол дүүргийн 3 дугаар хороо 26 дугаар байрны 3 дугаар орцны подвольд байрлах 00-ийн өрөанд иргэн А-г танхайрч, тохуурхан даажигнаж, зовоон тарчаан зодож бие махбодид нь хүнд гэмтэл санаатай учруулсан байна.

Мөн талийгаачийн хүү Б нь Ө гэх хүнтэй бүлэглэн 2010 оны 09 дүгээр сарын 17-ны өдөр Баянзүрх дүүргийн 2 дугаар хорооны нутаг дэвсгэрт Дарь-Эхийн 5 дугаар хэсэг 541 тоотод иргэн А-г хувийн таарамжгүй харьцааны улмаас зодож бие махбодид нь хүндэвтэр гэмтэл санаатай учруулжээ,

Түүгээр зогсохгүй Ц.Ганзоригийн эхнэр Н, хүү хоёр нь 2012 оны 5 дугаар сарын 06-ны өдрөөс 2012 оны 9 дүгээр сарын 12-ны өдрийн хооронд хохирогч У,  Ү, Б, А, С, А. Н, Д, Б нарын 9 хүнээс Солонгос улсад сургуульд зуучилна гэж хуурч мэхлэн залилж, 30.800 ам доллар буюу 38,610.445 төгрөгийн, онц их хэмжээний хохирол учруулсан хэрэг үйлджээ. Эл  гэм буруутай үйлдэлд 2012 оны 12 дугаар сарын 28-ны өдөр 408 дугаартай прокурорын яллах дүгнэлт үйлдэж, Баянгол дүүргийн шүүхэд шилжүүлсэн байна.

Баянгол дүүргийн шүүх 2013 оны 06 дугаар сарын 14-ний өдөр Б нарт холбогдох эрүүгийн хэргийг хянан хэлэлцүүлэхээр шүүх хуралдаан нээхэд яллагдагч Ц.Ганзоригийн эхнэр хоёр хүүхэд нь 2013 оны 06 дугаар сарын 13-ны өдөр өмгөөлөгчөө сольсон талаар мэдэгдэж, хавтаст хэргийн материалтай танилцах бололцоогоор хангуулах хүсэлт гаргаснаар шүүх бүрэлдхүүн зөвлөлдөн шүүн таслах ажиллагаанд саад учруулсан ундэслэлээр Эрүүгийн хуулийн тусгай ангийн 148 дугаар зүйлийн 148.4 дэх хэсэгт заасан гэмт хэргийн шүүгдэгч Н, Б нарыг мөн өдрөөс цагдан хорьсон байна.

2013 оны 01 дүгээр сарын 03-ны өдөр хэргийг шүүхэд шилжүүлснээс хойш өмгөөлөгчөө солих үндэслэлээр дээрх хэргийн шуүх хуралдаан нийт 5 удаа хойшилсон байна.