УИХ-ын гишүүн О.Баасанхүүгийн 70 насыг зооголж яваа аав нь авто осолд оржээ. Аавых нь дөрвөн хавирга нь хугарч, нэлээдгүй бэртсэн тул сандарч машинаа байрных нь үүдэнд тэгнүүлэн тавьжээ. Харин машинаа ингэж тавьсныг нь зарим хэвлэлүүд шүүмжилж, "гишүүний дархан эрхээ эдэллээ" гэж бичсэн нь О.Баасанхүү гишүүнийг бухимдуулсан бололтой. Тэрбээр энэ тухайд "70 гарсан аавыг маань машин дайрч дөрвөн хавиргыг нь хугалсан. Сандарч гэрт нь оруулсны төлөө, хэвлэлээр тэнэг мэдээ явуулж байдаг утга алга" хэмээн гомдолжээ.