Татварын ерөнхий газрын Хяналт шалгалтын хэлтсийн даргаар ажиллаж байсан Ч.Гансүх, Төсвийн орлогын хураалтын тасгийн дарга Ч.Энхбат, ҮТЕГ-ын байцаагч О.Бямбасүрэн , Ч.Гансүх нарт холбогдох хэргийг өнөөдөр Нийслэлийн шүүхэд хэлэлцэнэ.

Тодруулбал, Чингэлтэй дүүргийн шүүхээс нэмэлт мөрдөн байцаалтад буцаасантай холбоотойгоор хяналтын прокурор давж заалдах шатны  шүүхэд эсэргүүцэл бичсэн.  Үүнд уг хэргийг шүүхээр шийдвэрлэхэд хангалттай нотлох баримтууд байсаар байтал мөрдөн байцаалтад буцаасныг эсэргүүцэж байгаагаа тодорхой үндэслэлүүдээр тайлбарласан байна. Уг эсэргүүцлийг Нийслэлийн шүүх өнгөрсөн долдугаар сарын сүүлээр хүлээн авч өнөөдөр хэлэлцэхээр товложээ.