Өчигдөр орой Улсын мөрдөн байцаах газрын Эдийн засгийн гэмт хэрэгтэй тэмцэх хэлтэс дампуурлаа зарласан “Жаст” группийн захирал Ш.Батхүүг цагдан хорьсон гэсэн мэдээлэл гараад байсан. Тэгвэл түүнийг цагдан хориогүй харин батлан даалтанд гадуур шалгаж байгаа гэж эх сурвалж мэдээллээ.
 
      “Жаст” групийн захирал Ш.Батхүү нь Уулын баяжуулах “Эрдэнэт” үйлдвэр, Улаанбаатар төмөр зам хоёрыг барьцаалан ихээхэн хэмжээний зээл авсан байсан юм. Тэгэхдээ зээлээ төлж чадалгүй дампуурлаа зарласан билээ. Тиймээс ӨАБНУ-ын “Стандарт” банк нь баталгаа гаргаж өгсөн “Эрдэнэт” үйлдвэр, Улаанбаатар төмөр зам хоёроос мөнгөө нэхэмжилж Лондоны арбитрын шүүхэд хандаад байгаа.
       Ш.Батхүү нь төрийн өмчит эдгээр газруудаар баталгаа гаргуулахдаа тухайн үеийн ТӨХ-ны дарга Д.Сугар, “Эрдэнэт” үйлдвэрийн захирал асан Ч.Ганзориг, Улаанбаатар төмөр замын захирал Т.Очирхүү нарын гарын үсгийг хуурамчаар ашигласан хэмээн мэдэгдээд байгаа. Эдгээр эрхэмүүдийн гарын үсэг хуурамч эсэх, үгсэн хуйвалдаж байгаа зэргийг нарийвчлан шалгаж эхэлсэн бөгөөд удахгүй дүгнэлт нь гарах юм.