Өчигдөр Замын цагдаагийн газрын ЖШУЗХ-т иргэдээс 325 дуудлага мэдээ мэдээллийг хүлээн авснаас ХАБАЖЭГХ 7 гарч 11 хүн гэмтсэн зам тээврийн осол 17 бүртгэгдсэн байна. Согтуугаар тээврийн хэрэгсэл жолоодсон 59 жолоочийг журамлан гарч болзошгүй хэрэг ослоос урьдчилан сэргийлж ажиллажээ. Согтуугаар тээврийн хэрэгсэл жолоолдож зам тээврийн осол хэрэгт холбогдсон хоёр хүүхэд, осолд өртсөн дөрөв байгаагаас сургуулийн насны гурав, сургуулийн өмнөх насны нэг хүүхэд байна. Мөн  Зам тээвриййн осол хэрэгт холбогдож буй иргэд зам тээврийн осол хэргийн газрын орхиж явах зөрчил буурахгүй байгааг Замын цагдаагийн газраас анхаарууллаа. Зам тээврийн осол нь санамсаргүй, анхаарал болгоомжгүй байдлаас үйлдэгддэг. Улмаар иргэд хэний зөв буруугаа тодорхойлохгүйгээр осол хэргийн газрыг орхиж явж байгаа нь өөрсдийнхөө хийсэн үйлдлийг хүндрүүлдэг. Иймд хэрэв жолооч та зам тээврийн осол хэрэгт холбогдсон бол  цагдаагийн байгууллагад мэдээлэх, осол хэргийн газрын орхиж явахгүй байх, гэмтэж бэртсэн хүнд эмнэлгийн анхны  тусламжийг өгч байх хэрэгтэй байна. Хэрэв осол хэргийн газрыг орхиж явсан тохиолдолд Эрүүгийн хариуцлага хүлээлгэдэг бөгөөд аливаа нуун далдаж буй  гэмт хэрэг нь ч илэрдэг байна.