Алба хааж байсан цэрэг офицертоо дарамтлуулж, дөрвөн зүү залгисан хэрэг олон хүнийг цочирдуулаад байна.  Дээхин үед бол цэргүүд амиа хорлох гэж зүү залгилаа гэх яриа мэр сэр сонсогддог байснаас ангийн удирдлагууддаа дарамтлуулж зүү залгисан гэх мэдээлэл тэр бүр гараад байдаггүй байсан. Гэвч энэ үнэн илчлэгдсээр үр хүүхдээ эрийн цээнд хүргэх гэж, хүлээсэн үүргийг нь биелүүлэх гэж цэрэгт мордуулсан эцэг, эхийн сэтгэлийг ихэд түгшээх боллоо. 

Цэрэгт зүү залгиулсан эл хэрэг Увс аймгийн Баруунтуруун суманд байрлах хилийн цэргийн 0311 дүгээр ангид гарсан юм. Зүү залгисан П.Хэнмэдэхийн хувьд өнгөрсөн тавдугаар сард татагдан очсон  шинэхэн цэрэг аж. Тэрээр хэрэг явдлыг нэлээн нуусан ч бие нь өвдөж, хүндэрсэн учир ангийн удирдлагууд болон ар гэрийнхэндээ үнэнийг хэлснээр энэхүү хэрэг илчлэгдсэн юм. П.Хэнмэдэхийн хувьд энэ сарын 19-нд яаралтай хагалгаанд орох эмчийн заавартайгаар нийслэлд ирээд байгаа бөгөөд өдгөө Цэргийн нэгдсэн эмнэлэгт хэвтэн эмчлүүлж байгаа юм. Тиймээс хүүгийн хэвтэж буй эмнэлэгт очиж болсон явдлын талаар асууж тодрууллаа. 

-Тэр өдөр манай дэд түрүүчийн утас нь алга болчихсон юм. Тэгээд  намайг  утсыг нь авсан гэж хардаад, дэслэгч Баатарт хэлнэ гэж дарамталсан. Би угаасаа тэр утсыг авах бүү хэл харж ч байгаагүй юм болохоор тэг тэг хэл гэчихсэн.  Улмаар Баатар дэслэгч намайг өрөөндөө оруулаад зодсон.

  

-Суниалгаж, шанаадаж, элэг рүү өшиглөсөн. Дэд түрүүчийн утсыг гаргаж өг гэж нэхээд байсан. Би утсыг нь аваагүй гэдгээ хэлсэн ч гаргаж өг гээд зодоод байсан. Намайг хардах болсон нь тухайн өдөр дэд түрүүчтэй хамт харуул, хамгаалалтад гарч, манаанд хоносон болохоор хардсан байх. Би сүүлдээ дэслэгчийг дуудахаар айгаад хөл, гар чичирдэг болчихсон байсан. Намайг яаж зодох бол, яах бол гэж их айдаг юм.

  

-2-3 удаа дуудаж зодсон. Хамгийн сүүлийн зодолт дээрээ зүү залги гээд залгиулсан. Яг дөрвөн зүү залги гэхээр нь би айсандаа залгичихсан. 

-Олдоогүй гэсэн.

-Зүгээр гүйгээд  орчихдог л юм байна лээ.

-Тэгээд зүү залгиснаа хэзээ хүмүүст мэдэгдсэн бэ. Ангийнхаа удирдлагуудад энэ талаар хэлээгүй юм уу?

-Айгаад хэнд ч хэлэлгүй хоёр гурав хоносон.

-Эхлээд гайгүй байсан ч  сүүлдээ гэдсээр хатгуулаад өвдөж эхэлсэн л дээ. Тэгэхээр нь ангийнхаа удирдлагуудад хэлсэн. Гэхдээ дахиад зодох байх гэж айгаад захныхаа даавууг хадаж байгаад зүү залгичихсан гэж хэлсэн.

-Ангийн удирдлагууд, гэрийнхэндээ захныхаа даавууг хадаж байгаад зүү залгисан гэж хэлсэн. Үнэнийг хэлчихвэл Баатар дэслэгч дахиад л зодох байх гэж айсан. Гэхдээ маш их өвдөөд тэвчихээ больсон учир аавдаа үнэнээ хэлсэн. Ингээд аав мөн ангийн дарга нар намайг Улаангом уруу авч яваад эхо-д харуулсан. Тэгсэн залгисан дөрвөн ширхэг зүүний маань нэгэн ч гараагүй байсан. Эмч эхо-д хараад дөрвөн ширхэг зүү байна, хот уруу яаралтай хагалгаанд ор гэсэн.

-Наашаа ирэх гэсэн чинь онгоцны билет олдохгүй байсан. Гэхдээ манай аавын дүү нь онгоцны билет олж өгсөн.

- Манай гэрийнхэн наашаа ирэх  зардлын мөнгийг гаргасан. Харин хагалгааны зардлыг хэн гаргахыг би сайн мэдэхгүй байна. 

  

-Энд ирснээс хойш хэн ч асууж сураглаагүй. Аавтай л ярьсан байж магадгүй.

-Их л өвдөж байна. Хагалгаанд удахгүй орох байх.

-Штабын дарга нь надтай уулзсан. Миний хувьд энд эмнэлгийн улсуудтай л их уулзаж байна. Хамгийн гол нь хүүгээ хурдхан хагалгаанд оруулж, эдгээж авах талаар л асуудал тавьж байгаа. Эмч нар зүүг гарчихна. Хэд хоног эмчилгээг нь хийгээд харж байя л гэж хэлсэн.

  

-Энд ирээд хүүгээ долоо хоног харж байна. Эмч нар хэлэхдээ өнөө маргаашгүй хагалгаанд оруулна гэж хэлсэн. Хүүхэд чинь дөрвөн зүү залгисан, нэг нь доор байна, нөгөө гурав нь дээрээ хөдөлгөөнтэй байна гэсэн. Тэгэхээр хагалгаанд ороход зүү хөдөлгөөнгүй байх ёстой юм байна. Задлаад хагалгаа хийх үед зүү хөдөлж байвал олдохгүй байдаг гэсэн. Ер нь бол энд тэнд хатгагдаж байж л хөдөлгөөнгүй болох юм билээ. Тиймээс зүү хөдөлгөөнгүй болохыг хүлээж байна.

 

-Амь насанд аюулгүй гэсэн. Урьд өмнө нь ийм асуудал зөндөө гарч байсан гэж эмч нар хэлсэн. 

-Хүүгээсээ сонсоод ангийн дарга нарт  нь асуудал тависан. Тэгээд хотод яаралтай ирсэн. 

-16-нд наашаа гарах шаардлгатай болсон. Гэтэл онгоцны билет олдохгүй Улаангомд нэг хоносон. Гэхдээ мэдээж хүүгийнхээ төлөө ийш тийшээ утас цохиж байгаад хүнд мөнгө шилжүүлж байж билет олж авсан. Харин наашаа ирсний дараа штабых нь дарга нар зардлыг нь авч ирж өгсөн.

  

-Би цэрэгт очсоноос нь хойш гурван удаа очсон. Энэ бүрт л дарамт, зодуур байгаа нь ажиглагдаж байсан. Учир нь нүд нь хөхөрсөн, биед нь зодуурны сорвиуд байдаг байсан. Би ч энэ бүхнийг нь ангийн удирдлагуудад нь хэлвэл дахиад л дарамт үүсэх байх гэж бодоод өнгөрдөг байв. Харин одоо бол дуугүй байж чадахгүй. Арай ч дэндсэн асуудал болж байна шүү дээ. Цэрэгт хааяа нэг цохиулж барих асуудал байлгүй яахав. Гэхдээ зүү хүртэл залгиулна гэдэг байж боломжгүй юм.

-Ямар ч байсан хүүгээ хагалгаанд оруулна. Ямар үр дүн гарахыг харна даа. Тэгээд мэдээж цагдаа шүүхэд нь гомдол гаргаад явна. Увсад л очиж хэргийг шийдүүлэх юм шиг байна лээ. Би судалж үзсэн.

-Явуулахгүй. Хагалгааны дараагаар хүүгээ буцааж авах талаар хөөцөлдөнө дөө.Ямар ч байсан хүүгээ эсэн мэнд дээр нь энэ цэргийн амьдралаас л салгаж авья гэж бодож сууна .

-Үгүй ерөөсөө уулзаагүй. Угаасаа тэр хүн уулзаад юу ярих нь ч тодорхой. Өөрийгөө зөвтгөсөн юм л хэлэх биз.

-Ах нь энэ талаар юу ч сонсоогүй. 

- Манайх гурван хүүхэдтэй Хэнмэдэх хамгийн том нь. Доороо эрэгтэй, эмэгтэй хоёр дүүтэй.

-Хүү маань өөрөө дурлаж байж явсныг яана. Залуу хүн, эр хүн өөрсөө хүсч байхад хориглоод яахав гэж бодоод миний зүгээс хориглоогүй явуулсан ч ийм зүйл болсонд харамсаж байна. Ээж нь нутагтаа үлдсэн. Хүүхдээсээ болоод зүрх нь өвдөөд үлдсэн. 

-Хамаатан садныдаа л байрлаж байна. 

Хөвсгөл Цагаан-Уул сумын аймгийн хоёрдугаар багийн малчин А.Пүрэв-очир би хүүхдээ боловсролгүй өсгөснөөр өдийд ийм байдалд хүрлээ л гэж бодож байна. Цэрэгт ер нь боловсрол мэдлэг, үндэс угсаагаар нь их ялгаварладаг. Мөн цэрэгт яваад ирж байгаа залуусын ихэнх нь ямар нэг өвчтэй болсон байдаг. Манай аймагт л гэхэд цэрэгт яваад ирэхдээ олон удаа хатгаа авсанаас болоод уушиг нь устсан, нуруу нугасны өвчтэй болсон хүмүүс их бий. Хэдий малчин хүний үг ч гэсэн төр засаг үүнийг анхааралдаа авах хэрэгтэй.

    Д.Баасанжав:Офицер буруутгагдвал хатуу арга хэмжээ авна. Харин байлдагч буруутгагдвал 0311 дүгээр ангийн байлдагч П.Хэнмэдэхийг цэргийн алба хаах хугацаанд хүний нэр төрд халдсан хэргээр эрүүгийн хэрэгт татна

Хэргийн талаар Хил хамгаалах Ерөнхий газрын Хэвлэл мэдээллийн төвийн дарга, хурандаа Д.Баасанжаргалаас тодруулахад "Байлдагчийн хувьд Увс аймагт байхдаа гол шалтгаанаа тайлбарлаагүй. Нийслэлд ирэнгүүтээ өгсөн мэдээлэл нь “Манай дарга намайг загнаад чи гар утас хулгай хийсэн. Одоо зүү залги гэж байгаад залгиулсан” гэсэн мэдээллийг өгсөн. Бидний хувьд байлдагчийн яриа үнэн эсэхийг тогтоогоогүй байгаа. Гэхдээ энэ хэрэгтэй холбогдуулан дотоодын шалгалт хийсэн. Хилийн цэргийн 0311 дүгээр ангийн зүгээс тийм зүйл болоогүй гэсэн. Харин эцэг эхийн зүгээс дарга нь хүчээр залгиулсан хэрэг гэж байгаа.  Баатар офицерийг ажлаас нь түдгэлзүүлж хууль хяналтын байгууллагад шилжүүлсэн байгаа. Хамгийн гол нь тус ангийн дэслэгч  “Би хуулийн байгууллагаар шалгуулж хэргийн үнэнг тогтоолгоё” хэмээн өргөдөл гаргасан. Нөгөөтэйгүүр маргааныг хэвлэл мэдээлэл болон  Хил хамгаалах газар зохицуулдаг юм биш. Үүнийг цагдаа шалгаад прокурор хянасны үүдэнд шүүх авч хэлэлцэнэ. Офицерийн тухайд хэрэгт холбоотой гэдэг нь тогтоогдвол хатуу арга хэмжээ авч, хэргийг нь үүрүүлнэ. Үүнээс гадна офицерийг гүтгэсэн гээд байгаа байлдагч буруутгагдвал 0311 дүгээр ангийн байлдагч П.Хэнмэдэхийг цэргийн алба хаах хугацаанд хүний нэр төрд халдсан хэргээр эрүүгийн хэрэгт татна. Хэн нь үнэн эсэхийг шүүхийн байгууллага тогтооно" гэв.